Ministri Vengu dhe delegacioni shqiptar morën pjesë në Panairin Ndërkombëtar të Industrisë së Mbrojtjes - IDEF 2025, që zhvillohet nga 22 deri më 27 korrik në Stamboll

e mërkurë, 23 korrik 2025 21:17

Panairi Ndërkombëtar i Industrisë së Mbrojtjes - IDEF 2025,  zhvillohet nga 22 deri më 27 korrik në Stamboll.

Ky panair, i organizuar nga Ministria e Mbrojtjes Kombëtare e Turqisë me mbështetjen e Sekretariatit të Industrive të Mbrojtjes dhe nën menaxhimin e Fondacionit të Forcave të Armatosura turke, është një nga ngjarjet më të rëndësishme në fushën e teknologjive të Mbrojtjes.

IDEF 2025 paraqet produkte dhe zgjidhje të avancuara në tokë, det, ajër, siguri, logjistikë dhe transport, duke përfaqësuar një mundësi të rëndësishme për tërheqjen e investitorëve të huaj në vendin tonë për veprimtari prodhuese në fushën e industrisë ushtarake.

Ministri Vengu dhe delegacioni shqiptar morën pjesë në këtë panair. Vizita ishte gjithashtu një mundësi për Agjencinë tonë të Industrisë së Mbrojtjes dhe Kompaninë e prodhimeve ushtarake KAYO për të përftuar eksperiencë në organizimin e aktiviteteve të tilla ndërkombëtare, për çka agjencitë homologe turke ofruan mbështetjen maksimale.