Situata e zjarreve gjatë 24 orëve të fundit, 06 gusht 2025

Gjatë orëve të fundit janë evidentuar 25 vatra zjarri, ndër të cilat vetëm 1 mbetet aktive.

Vatra aktive:

- Në malin mbi fshatin Dhivër, bashkia Finiq, është aktivizuar një vatër zjarri në sipërfaqe pyjore në lartësi, si pasojë e një shkarkese rrufeje dhe po mbahet nën kontroll nga MZSH lokale.

Zjarre të shuar:

- Në fshatin Gryksh i Madh, bashkia Elbasan, ku në terren u angazhuan 5 mjete zjarrfikëse dhe rreth 70 forca nga të gjitha strukturat operacionale.
- Në fshatin Dhorës, njësia administrative Qendër, Skrapar.
- Në fshatin Gurë-Lurë, Parku Kombëtar Lurë, ku në terren u angazhuan rreth 60 forca.
- Në fshatin Daullas, bashkia Fier, ku u angazhuan 4 mjete zjarrfikëse dhe rreth 55 forca nga strukturat operacionale.
- Në fshatin Lusën, bashkia Kukës, ku u angazhuan rreth 30 forca.
- Në fshatin Blinisht, bashkia Lezhë, ku në terren u dislokuan 3 mjete zjarrfikëse dhe rreth 20 forca operacionale.
- Në qytetin e Leskovikut, bashkia Kolonjë.
- Në fshatin Grudë, bashkia Shkodër.
- Në fshatin Rrjoll, bashkia Shkodër.
- Në fshatin Ngjeqar, bashkia Roskovec.

Në terren u angazhuan 39 automjete zjarrfikëse dhe 375 forca operacionale.

Përsërisim thirrjen drejtuar banorëve, të tregohen të kujdesshëm, të shmangin ndezjen e zjarreve dhe të raportojnë në kohë vatrat!