Kryeministri dekoron efektivët që luftuan me zjarret në Shqipëri

Në një ceremoni të zhvilluar në Tiranë, kryeministri i Shqipërisë dekoroi 24 efektivë të Forcave të Armatosura, Policisë së Shtetit, Agjencisë Kombëtare të Mbrojtjes Civile dhe shërbimeve zjarrfikëse, të cilët u dalluan në operacionet e fundit për shuarjen e zjarreve në disa zona të vendit.

Fotogaleria

Në fjalën e tij, kryeministri theksoi se këto dekorime janë një shenjë mirënjohjeje për të gjithë ata që luftuan me flakët, duke vënë në rrezik jetën e tyre për të mbrojtur qytetarët. Ai nënvizoi rëndësinë e bashkëpunimit mes Forcave të Armatosura, Policisë së Shtetit, zjarrfikësve dhe strukturave të Mbrojtjes Civile, duke theksuar se kur institucionet veprojnë së bashku, rezultatet janë shembullore.

Kryeministri Edi Rama tha se: “100 misione nga ajri, qindra ndërhyje dhe ky shtet nuk u thye, por tregoi se Mekanizimi i Mbrojtjes Civile nga fshati më i largët deri tek qendra e Tiranës mundi dhe diti të jepte më të mirën edhe pse shumë ka ende për të bërë”

Kryeministri konfirmoi se Shqipëria do të nisë ndërtimin e një flote të vetën, duke filluar me dy avionë zjarrfikës, por theksoi se “magjia është në bashkërendim dhe sakrificë në tokë”.

Me propozime të ministrit të Mbrojtjes Pirro Vengu dhe ministrit të Brendshëm Ervin Hoxha, dekorimet përfshinë:

Medaljen e Kryeministrit për Mirënjohje Publike, Shkalla III “Yllin e Mirënjohjes Publike”:

Kolonel Gëzim Marku, komandant i Regjimentit të Jugut në Forcën Tokësore
Nënkolonel Ervin Buzi, komandant i Bazës Ajrore Farkë
Komisar Agim Troci, shef komisariati në Komisariatin e Policisë Delvinë

Të dekoruarit u nderuan për merita të veçanta dhe angazhim të jashtëzakonshëm gjatë operacioneve për shuarjen e zjarreve, duke rrezikuar jetën për mbrojtjen e qytetarëve.

Medaljen e Kryeministrit për “Vlerësim Profesional”, Medalje Ari:

Nënkolonel Klajdi Tushe, zëvendëskomandant skuadroni, Baza Ajrore Farkë
Inspektor Klajdi Mustaj, seksioni i Trafikut Urban dhe Interurban, Drejtoria e Policisë Fier
Nënkolonel Euklid Jemini, komandant i Repartit Ushtarak nr. 1032
Nënkolonel Vladimir Nasufi, komandant i Detashmentit të Mbështetjes Rajonale
Z. Ilirian Hasanaj, drejtor i Qendrës së Mbrojtjes Civile, Agjencia Kombëtare e Mbrojtjes Civile
Z. Besnik Hasani, kryezjarrfikës, Bashkia Delvinë
Z. Ilir Sinani, kryezjarrfikës, Bashkia Finiq
Z. Ilir Llapushi, kryeinspektor, Bashkia Gramsh
Z. Ahmet Beqo, zjarrfikës, Bashkia Konispol
Z. Klodjan Fishta, zjarrfikës, Bashkia Bulqizë

Medaljen e Kryeministrit për “Vlerësim Profesional”, Medalje Argjendi:

Nënkolonel Aleksandër Sinaj, zëvendëskomandant, Baza e Mbështetjes dhe Emergjencave Civile
Inspektore Laura Leka, Sektori i Rendit Publik, Komisariati i Policisë Korçë
Major Ermal Radomi, komandant kompanie, Baza e Mbështetjes dhe Emergjencave Civile
Toger Sajmir Sheme, komandant kompanie, Batalioni i Këmbësorisë së Lehtë
Rreshter Indrit Shehi, teknik bordi, Grupin e Helikopterëve Shumërolësh
Tetar Vasil Leno, specialist ndërlidhjeje, Batalioni i Këmbësorisë së Lehtë
Nënkomisar Eridion Lame, specialist për krimet, Komisariati i Policisë Delvinë

Medaljen e Kryeministrit për “Vlerësim Profesional”, Medalje Bronxi:

Nëntoger Denis Gaba, komandant toge, Regjimenti i Mbështetjes me Luftim
Rreshter Granita Hasanaj, komandant skuadre, Toga e Shuarjes së Zjarreve
Ushtar IV Bresil Xhaçka, specialist shëndetësie, Batalioni i Forcës Speciale
Z. Andi Gjura, oficer i Patrullës së Përgjithshme, Komisariati i Policisë nr. 2