100 vjet Forca Detare shqiptare

Forca Detare shqiptare feston 100 - Vjetorin e Krijimit të saj. Përpjekja e parë për organizimin e një marine ushtarake ka datën 25 dhjetor 1925, kur parlamenti shqiptar miratoi buxhetin për blerjen e dy anijeve ushtarake nga Italia, “Shqipnia” dhe “Skënderbeg.

Fotogaleria

Pas viteve ’90, Forca Detare, ashtu si gjithë Forcat e Armatosura, iu nënshtrua një procesi reformimi dhe modernizimi, duke u përshtatur me standardet e NATO për përmbushjen e misionit të saj kushtetues.

Sot, Forca Detare po vijon modernizimin e flotës me anije të reja luftarake, mjete multifunksionale dhe kapacitete për luftën kundër minave dhe gjurmimin nënujor.

Prej më shumë se gjashtë vitesh, ajo ka qenë një pjesëmarrëse e vlerësuar në misionin e NATO në detin Egje me një anije patrulluese.

Ruajtja e sovranitetit të hapësirës detare të Republikës së Shqipërisë në bashkëveprim me strukturat e tjera të Forcave të Armatosura të Republikës së Shqipërisë dhe NATO si edhe zbatimi i ligjit kombëtar dhe ndërkombëtar në det janë detyrat e kësaj force që vijojnë të zbatohen me profesionalizëm dhe krenari në këto 100 vite.