Situata nga moti i keq, mbi 100 efektivë të FA e dhjetëra mjete të angazhuar në terren

Forcat e Armatosura vijojnë angazhimin në terren për përballimin e situatës së krijuar si pasojë e reshjeve intensive të shiut që kanë përfshirë vendin.

Fotogaleria

Aktualisht, mbi 100 efektivë, dhjetëra mjete dhe pompa me kapacitet të lartë janë angazhuar në qarqet Lezhë, Shkodër, Durrës, Gjirokastër si dhe në çdo zonë ku ka qenë e nevojshme ndërhyrja, me qëllim garantimin e sigurisë së banorëve dhe menaxhimin e çdo situate emergjente.

Situata paraqitet nën kontroll, ndërsa vëmendja mbetet e përqendruar në qarkun e Gjirokastrës, në zonën e Urës së Mifolit dhe në Shijak, ku po monitorohen në mënyrë të vazhdueshme prurjet dhe rreziku potencial për përmbytje.

Të gjitha strukturat e Forcave të Armatosura janë në gatishmëri të plotë për të ndërhyrë menjëherë, në bashkëpunim me strukturat e tjera të emergjencave civile dhe autoritetet vendore, në rast se situata do të kërkojë masa shtesë, përfshirë edhe evakuimin e banorëve.

Monitorimi i situatës vijon pa ndërprerje në të gjithë territorin e vendit.