Përfundon me sukses operacioni në ndihmë të qeverisë së Irakut

Ministria e Mbrojtjes informon opinionin publik se ka përfunduar me sukses operacioni i dërgimit të ndihmës me armë dhe municione në ndihmë të qeverisë së Irakut.
Shqipëria edhe një herë tjetër dëshmoi se është në krah të mbrojtjes së vlerave të demokracisë dhe paqes.

Me këtë rast, ministrja e Mbrojtjes znj. Mimi Kodheli, u ka dërguar një letër falënderimi të gjithë homologëve të saj të vendeve që kontribuan në këtë operacion. Znj. Kodheli falënderon Qeverinë dhe Forcat e Armatosura të Shteteve të Bashkuara të Amerikës, Mbretërisë së Bashkuar, Kanadasë, Danimarkës dhe Australisë.

Lexo më shumë...

Deklaratë për shtyp

Qeveria shqiptare është e vendosur të vazhdojë luftën ndaj krimit të organizuar dhe narkotikëve duke e hequr Shqiperinë nga lista e zezë ku e kishte futur qeveria e mëparshme.  Të sulmosh Forcat e Armatosura pse mbështesin me mjete logjistike Policinë e Shtetit dhe Ministrinë e Brendshme në këto operacione do të thotë të sulmosh shtetin për të mbrojtur krimin dhe trafikun e drogës. Sa për prokurorinë, e ftojmë atë të thellojë hetimin mbi të gjitha rastet kur mjetet apo më keq akoma Forcat Speciale dhe ato Komando të FA, janë keq përdorur në kërkim floriri apo ruajtje biznesesh private si Kampionati Mundjes, për të mos folur për transport këngëtarësh.

Lexo më shumë...

Deklaratë e ministres së Mbrojtjes Mimi Kodheli

Duke e përshëndetur dhe falënderuar presidentin Nishani për vëmendjen që tregon ndaj zhvillimeve në fushën e Mbrojtjes, por duke konstatuar edhe një lexim të gabuar nga ana e presidentit të disa projekt-ligjeve të inicuara nga Ministria e Mbrojtjes me mbështetjen e plotë teknike të partnerëve tanë ndërkombëtare, ministrja e Mbrojtjes Mimi Kodheli, ndjen detyrimin të sqarojë publikisht se komentet e bëra nga presidenti Nishani në njoftimin e tij për shtyp lidhur me projekt-ligjet në fjalë janë absolutisht pa lidhje.

Lexo më shumë...

Deklaratë për shtyp

Forcat e Armatosura dhe Ministria e Mbrojtjes i qëndrojnë çdo deklarate të mëparshme të dhënë nga titullarët e saj.
Nuk ekziston asnjë fakt që të prodhojë hamendësitë e shprehura gjatë javëve të fundit në publik.
Forca Ajrore disponon dokumente nga strukturat e specializuara të Aleancës që monitorojnë hapësirën ajrore të Republikës së Shqipërisë, të cilat konfirmojnë se nuk ka patur avionë renegatë në hapësirën tonë në datën dhe kohën e cituar në media.

Lexo më shumë...

Deklaratë për shtyp e Shtabit të Përgjithshëm të FA

Shtabi i Përgjithshëm i Forcave të Armatosura i shpreh ngushëllime të thella familjarëve të Arben Doskut i cili humbi jetën sot dhe Lavdrim e Alfred Doskut që mbetën të plagosur në fshatin Zgarë të Librazhdit.

Forcat e Armatosura kanë bërë dhe do të vazhdojnë të bëjnë të pamundurën për të shmangur ngjarje dhe incidente të këtij lloji me pasojë humbjen e jetëve njerëzore apo dëmtimin e banorëve, por vërejmë me shqetësim se shumë pak bëhet nga pushteti lokal.

Lexo më shumë...

Ministria e Mbrojtjes

Ministria e Mbrojtjes e Republikës së Shqiperisë bën me dije opinionit publik se informacioni i botuar në median e shkruar në datë 27 mars 2014, nuk janë qëndrime zyrtare të këtij institucioni dhe të qeverisë shqiptare.

Analiza dhe mendime të Qendrës Kombëtare të Sigurisë dhe Mbrojtjes nuk përbëjnë për asnjë moment qëndrim zyrtar të Ministrisë së Mbrojtjes. Këto analiza kanë karakter studimor individual dhe nuk shprehin gjithashtu as qëndrimin e QKSM.

Lexo më shumë...