48 vatra zjarri në vend, shuhen 43 prej tyre, Forcat e Armatosura dhe “Cougar” në terren
Gjatë 24 orëve të fundit në vend është bërë e mundur shuarja e 43 vatrave zjarri nga 48 të tilla. Në operacione janë angazhuar 655 forca operacionale dhe 63 automjete, nga të cilët 109 trupa ushtarake dhe 13 mjete, 4 automjete zjarrfikëse si dhe helikopteri Cougar i Forcës Ajrore.
Zjarret janë shuar në qarqet Kukës, Dibër, Shkodër, Lezhë, Durrës, Tiranë, Fier, Vlorë e Gjirokastër.
Helikopteri “Cougar” ndihmon në shuarjen e zjarrit në bashkinë e Kavajës
Situata me zjarret vijon në qarkun e Tiranës, konkretisht në fshatin Mengaj, njësia administrative Helmas, bashkia Kavajë.
Për shkak të dendësisë së pyllit me shkurre të thata, ka qenë i pamundur depërtimi i forcave këmbësore. Zjarri ka përfshirë dy deri në tre hektarë sipërfaqe toke.
Historiku i Forcave të Armatosura, pjesë e Arkivit Qendror Shtetëror, ministri Vengu vizitë në Arkivin Qendror të FA
Mijëra materiale që i përkasin Arkivit Qendror të Forcave të Armatosura do të jenë pjesë e Arkivit Qendror të Shtetit. Puna tashmë ka nisur dhe pritet të përfundojë deri më 1 janar 2025.
Ministri i Mbrojtjes z. Pirro Vengu, shoqëruar edhe nga drejtori i Përgjithshëm i Arkivit Qendror të Shtetit z. Ardit Bido vizituan mjediset e Arkivit të FA, ku u njohën nga afër me proceset e punës dhe sfidat e transformimit digjital të Arkivit Qendror të FA.
Fuqizimi i kapaciteteve ushtarake dhe Mbrojtjes Civile, ministri Vengu takime me përfaqësues diplomatikë të SHBA-së, Hollandës dhe Rumanisë
Rritja e kapaciteteve me përdorim të dyfishtë civil dhe ushtarak, fuqizimi i programeve në mbështetje të Mbrojtjes Civile dhe mjekësisë ushtarake si dhe këshillimi nga SHBA në sferën e Mbrojtjes dhe Sigurisë, ishin temat kryesore të takimeve të kësaj jave të ministrit të Mbrojtjes Pirro Vengu me ambasadorin holandez për çështjet kibernetike Ernest Noorman, ambasadorin e Rumanisë Octavian Şerban si edhe atashetë ushtarakë e pesë këshilltarët e Shteteve të Bashkuara të Amerikës, që janë integruar me kohë të plotë pranë Ministrisë së Mbrojtjes.
Forcat e Armatosura ndihmojnë në shuarjen e zjarrit në Urën Vajgurore
Efektivët e Forcave të Armatosura në bashkëpunim me forcat zjarrfikëse të qarkut Berat dhe forcat policore, kanë përfunduar me sukses operacionin për shuarjen e zjarrit në afërsi të fshatit Skrevan në Urën Vajgurore, bashkia Dimal.
Zjarri përfshiu një sipërfaqe rreth 20 hektarë shkurre e bimësi të mesme. Në operacion u përfshinë 20 efektivë të Forcave të Armatosura, 37 zjarrfikës, 20 efektivë policie si dhe shtatë mjete zjarrfikëse.
Artikuj nga Newsroom
e premte, 30 janar 2026
e hënë, 26 janar 2026
Ministri Vengu pret homologun belg: Bashkëpunim për forcimin e kapaciteteve tona
e martë, 20 janar 2026