Fuqizimi dhe modernizimi i FA, ministri Vengu takime me përfaqësues diplomatikë të SHBA-së, Mbretërisë së Bashkuar, Italisë, Turqisë dhe Ukrainës
Fuqizimi operacional i Forcave të Armatosura të Shqipërisë, përmes modernizimit të mjeteve, pajisjeve, armatimeve dhe sistemeve, ishte në fokus të takimeve të veçanta këtë javë të ministrit të Mbrojtjes Pirro Vengu me atasheun ushtarak të Shteteve të Bashkuara dhe ambasadorët e Mbretërisë së Bashkuar, Italisë, Turqisë dhe Ukrainës.
Shuhen zjarret në Finiq dhe Delvinë, vijon monitorimi i situatës
Pas një pune të pandërprerë edhe gjatë natës nga forcat operacionale nga bashkitë Finiq, Delvinë, Himarë, Sarandë, Konispol e Dropull, mbështetur nga 75 efektivë të Forcave të Armatosura dhe helikopteri Cougar është bërë e mundur shuarja e zjarreve në Finiq dhe Delvinë.
Por puna po vijon nga strukturat vendore, për monitorimin e situatës, me qëllim shmangien e çdo mundësie riaktivizimi të vatrave.
Zjarri në Finiq, ministri Vengu ndjek situatën në terren: U shpëtua pasuria kulturore e Parkut Arkeologjik
Ndërhyrja e shpejtë e forcave operacionale, ndihmuar edhe nga efektivë të Forcave të Armatosura dhe helikopteri Cougar nga ajri kanë shmangur dëmet si pasojë e zjarrit të rënë pasditen e sotme në objektet e Parkut Arkeologjik të Finiqit.
Ministri i Mbrojtjes Pirro Vengu, shoqëruar edhe nga kryetarët e bashkive Finiq e Delvinë si dhe nga prefekti i Qarkut të Vlorës Kristo Kiço ndoqi nga afër situatën.
Angazhimi në shuarjen e zjarreve, ministri Vengu falënderon efektivët e Regjimentit të Këmbësorisë së Jugut në Poshnje
Regjimenti i Këmbësorisë së Jugut, pjesë e Forcës Tokësore të Forcave të Armatosura, është një nga strukturat që ka një kontribut të rëndësishëm në operacionet e emergjencave civile gjatë këtij viti.
Vetëm gjatë muajit të fundit 1057 efektivë dhe 85 mjete kanë marrë pjesë në 35 operacione për shuarjen e zjarreve në rajonet e Llogarasë, Vlorës, Pashalimanit, Himarës, Delvinës, Dropullit, Gjirokastrës, Sarandës, Tepelenës, Beratit, Maliqit, Korçës dhe i fundit i kryer dje, në Konispol.
Rekord aplikimesh për Akademinë e Forcave të Armatosura, 1114 maturantë në garë për 70 kuota studimi
Interes i lartë i të rinjve për të studiuar në Akademinë e Forcave të Armatosura. Këtë vit është shënuar numër rekord aplikimesh për programet që ofron kjo akademi.
1114 të rinj e të reja kanë aplikuar për të fituar një të drejtë studimi nga 70 kuota të planifikuara për ciklin e parë bachelor, për këtë vit akademik. Ky është numri më i lartë i aplikimeve krahasuar me tre vitet e mëparshme.
Artikuj nga Newsroom
e martë, 28 tetor 2025
