Rijetëzimi i Industrisë Ushtarake e modernizimi i FA, ministri Vengu takime me ambasadorët e Francës, Britanisë e Bullgarisë
Ministri i Mbrojtjes z. Pirro Vengu zhvilloi takime të veçanta me ambasadorët e Francës, Mbretërisë së Bashkuar dhe Bullgarisë. Rijetëzimi i Industrisë Ushtarake dhe modernizimi i Forcave tona të Armatosura ishin temat kryesore të bisedave me përfaqësuesit diplomatikë të këtyre vendeve.
Në takimin me ambasadoren e Francës znj. Catherine Suard, ministri Vengu shprehu interesin për të shqyrtuar mundësitë e bashkëpunimit në rijetëzimin e Industrisë Ushtarake, modernizimit si dhe zgjerimin e mundësive në fushën e Edukimit dhe Trajnimit.
Zhvillohet Takimi “NATO Resilience Expert Consultation Meeting”
Në datat 17-18 shtator në ambientet e Ministrisë së Mbrojtjes u zhvillua takimi konsultues me ekspertë të NATO-s mbi Qëndrueshmërinë.
Të pranishëm në këta takim ishin përfaqësues nga Ministria e Mbrojtjes, Shtabi i Përgjithshëm, AKMC, Ministria e Shtetit për Marrëdhënien me Parlamentin, Ministria për Evropën dhe Punët e Jashtme, Ministria e Infrastrukturës dhe Energjisë, Ministria e Brendshme dhe Policia e Shtetit, Ministri e Bujqësisë, Ministria e Shëndetësisë dhe institucione të tjera.
Efektivët e FA, stërvitje të përbashkët me trupat britanike në Pashaliman
Forcat tona të Armatosura do të zhvillojnë për gati dy javë Stërvitjen e Përbashkët detare bregdetare “Austere Wolf-24” me kolegët e tyre të Britanisë së Madhe, në Pashaliman në kuadër të “Corridor VIII Response”.
Kjo stërvitje parashikohet të zgjasë deri më 7 tetor 2024. Në të njëjtën periudhë, pala britanike, përpos zhvillimit të stërvitjes “Austere Wolf 24” parashikon të zbarkojë në vendin tonë edhe trupat e NATO “Strategic Reserve Force” (SRF), të cilat do të vijojnë kalimin në itinerarin e Korridorit VIII, Shqipëri (Durrës ose Vlorë) - Maqedoni e Veriut - Kosovë - Shqipëri.
Deklarata e Shefave të Mbrojtjes së Iniciativës SHBA-Karta e Adriatikut: Qëllim kryesor, integrimi i të gjitha vendeve aspirante të Evropës Juglindore në NATO
Në përfundim të punimeve të Konferencës së 27-të, Shefat e Mbrojtjes së Iniciativës SHBA-Karta e Adriatikut (A5) miratuan edhe Deklaratën e Përbashkët, ku riafirmohet angazhimi për të qëndruar së bashku kundër luftës së paligjshme, të pajustifikueshme dhe të paprovokuar të agresionit të Rusisë kundër Ukrainës, e cila ka shkatërruar paqen dhe stabilitetin në zonën euroatlantike dhe ka dëmtuar rëndë sigurinë në rajonin tonë dhe globalisht.:
Artikuj nga Newsroom
e martë, 28 tetor 2025
