Industria Ushtarake
Agjencia e Industrisë së Mbrojtjes
Misioni i Agjencisë së Industrisë së Mbrojtjes
Të rregullojë, mbikëqyrë dhe nxisë prodhimin, tregtimin, transportin, magazinimin, si dhe kërkimin e zhvillimin e armatimit ushtarak në përputhje me standardet kombëtare dhe ndërkombëtare me qëllim forcimin e kapaciteteve mbrojtëse dhe zhvillimin ekonomik të RSH.
Detyrat Kryesore të Agjencisë së Industrisë së Mbrojtjes
1. Rregullimi dhe Licencimi
Lëshon, rinovon, pezullon dhe revokon licencat për subjektet që operojnë në prodhimin, tregtimin dhe zhvillimin e armatimit ushtarak.
Vendos standarde dhe kritere për testimin, certifikimin dhe sigurinë e produkteve ushtarake para hyrjes në treg.
2. Mbikëqyrja dhe Zbatimi i Ligjit
Monitoron dhe garanton përputhshmërinë e subjekteve të licencuara me ligjet dhe detyrimet ndërkombëtare.
Kryen inspektime të rregullta për të siguruar respektimin e standardeve të sigurisë, cilësisë dhe etikës.
Merr masa administrative dhe sanksione ndaj shkelësve të ligjit.
3. Regjistrimi dhe Gjurmimi
Mban dhe përditëson regjistrin e subjekteve të licencuara dhe të armatimit ushtarak të prodhuar, tregtuar dhe magazinuar.
Zbaton sisteme të markimit dhe gjurmimit të armëve për të garantuar kontrollin dhe sigurinë e zinxhirit të furnizimit.
4. Bashkëpunimi Kombëtar dhe Ndërkombëtar
Koordinon me institucionet shtetërore dhe partnerët ndërkombëtarë për mbikëqyrjen e industrisë së mbrojtjes.
Angazhohet në marrëveshje bashkëpunimi ndërkombëtar për shkëmbimin e informacionit, praktikat më të mira dhe forcimin e kapaciteteve mbikëqyrëse.
Merr pjesë në borde, nisma dhe forume ndërkombëtare që lidhen me zhvillimin dhe bashkëpunimin në fushën e industrisë së mbrojtjes.
5. Nxitja e Inovacionit dhe Teknologjisë
Mbështet kërkimin dhe zhvillimin e teknologjive të reja në industrinë e mbrojtjes.
Bashkëpunon me Qendrën e Inovacionit të Sigurisë dhe Mbrojtjes dhe aktorë të tjerë për zhvillimin e kapaciteteve teknologjike.
6. Siguria, Transparenca dhe Përgjegjësia
Siguron transparencë dhe llogaridhënie duke publikuar raporte dhe analiza mbi gjendjen e industrisë së mbrojtjes.
Mban regjistrin e subjekteve të përjashtuara për shkelje të ligjit dhe sigurisë kombëtare.
Promovon praktika etike dhe standarde të larta të sigurisë në industrinë e mbrojtjes.
7. Funksioni si “One-Stop Shop”
Vepron si një qendër e unifikuar për trajtimin e çështjeve, kërkesave dhe problematikave të industrisë së mbrojtjes.
Ofron mbështetje për subjektet e licencuara dhe lehtëson koordinimin ndërinstitucional.
KAYO sh.a
Në zbatim të Ligjit nr.88/2024 “Për krijimin e Shoqërisë Shtetërore për prodhimin dhe tregtimin e armëve, municioneve, pajisjeve dhe teknologjive ushtarake”, është krijuar Shoqëria Shtetërore KAYO sh.a, e cila ka objekt veprimtarie projektimin, prodhimin, riparimin, demilitarizimin, asgjësimin dhe tregtimin, brenda dhe jashtë vendit, të të gjitha llojeve të armëve ose pjesëve të armëve, përfshirë edhe armët ushtarake, të municioneve, të teknologjive dhe pajisjeve ushtarake, si dhe çdo aktivitet të lidhur me këtë veprimtari, në funksion të politikave kombëtare të sigurisë e mbrojtjes dhe rritjes së kapaciteteve ushtarake
Shoqëria KAYO sh.a., ka përthithur aktivitetin e Ndërmarrjeve Shtetërore (ULP Mjekës, KM Poliçan dhe UM Gramsh).
Shoqëria shtetërore, do të ketë të gjitha kapacitetet e saj juridike dhe financiare për të funksionuar, në përputhje me synimin strategjik për modernizimin e industrisë së mbrojtjes, në përputhshmëri me standardet e NATO, është jo vetëm i nevojshëm për të rritur kapacitetet mbrojtëse të Shqipërisë, por edhe për të forcuar pozicionin strategjik të vendit në rajon dhe në skenën ndërkombëtare të sigurisë, si dhe për të nxitur zhvillimin ekonomik.
Artikuj nga Newsroom
e martë, 29 prill 2025
Gjenerallejtënant Arben Kingji, vizitë zyrtare në Itali
e premte, 25 prill 2025
E Ngarkuara me Punë e SHBA viziton stërvitjen "Eagle Strike 2025" në Rreth - Greth
e enjte, 24 prill 2025