Politikat e Sigurisë Të tjera nga MM Kulturë Kremtohet Dita Kombëtare e Trashëgimisë Kulturore
Veprimtarinë kushtuar Ditës Kombëtare të Trashëgimisë Kulturore e hapi drejtori i Qendrës së Kulturës, Medias dhe Botimeve të Mbrojtjes, akademik Vasil Tole, i cili pasi ka falendeuar të gjithë të pranishmit për pjesëmarrjen në këtë veprimtari, ka nënvizuar edhe rëndësinë që ka Dita Kombëtare e Trashëgimisë Kulturore edhe për Forcat tona të Armatosura.
Gjatë kësaj veprimtarie nga fëmijët e kurseve sportive pranë QKMBM – së, u demonstruan lojëra të ndryshme popullore, si pjesë e trashëgimisë kulturore shqiptare, ndërsa nga Orkestra Frymore e Forcave të Armatosura ( OFKFA) u ekzekutuan këngë dhe marshe patriotike, ku mund të veçohet kënga popullore iso-polifonike “Mbeç more shokë mbeç” interpretuar nga grupi i Skraparit, këngë kreshnike me lahutë interpretuar nga Lumturie Nonaj etj. Më pas, në ambientet e kinemasë së Komandës së Doktrinës dhe Stërvitjes u shfaq filmi dokumentar kushtuar Kamber Benjës dhe Dëshmorëve të Monumenteve, realizuar nga QKMBM. Gjithashtu gjatë aktivitetit të organizuar me këtë rast u bë u bë edhe prezantimi i botimit “Himni Kombëtar, partiturat muzikore”, i realizuar nga QKMBM-së, botim i cili iu dhurua përfaqësuesve të institucioneve dirigjentit të Orkestrës Frymorë, z. Altin Babameto si dhe Sekretarit të Përgjithshëm të Akademisë së Shkencave, akademik Salvator Bushati. Në fund të pranishmit ndoqën një ekspozitë me pamje nga kalatë dhe monumentet e kulturës, si dhe vizituan mjediset e muzeut të Forcave të Armatosura.
