Koncert i Orkestrës Frymore të Forcave të Armatosura

e hënë, 20 prill 2015 15:31

Foto Galeri

Orkestra Frymore e Forcave të Armatosura dha koncertin artistik “American Sounds” në sallën e Universitetit të Arteve në Tiranë. Të pranishëm në këtë veprimtari kulturore ishin: zëvendësministri i Mbrojtjes, z. Petro Koçi, gjeneralë, drejtorë dhe ushtarakë të Ministrisë së Mbrojtjes, Shtabit të Përgjithshëm dhe Forcave tona të Armatosura, si dhe qytetarë të kryeqytetit.

Koncerti u zhvillua nën kujdesin e ministres së Mbrojtjes, znj. Mimi Kodheli. Gjatë koncertit u interpretuan vepra muzikore të mirënjohura botërore, me pjesëmarrjen edhe të solistëve të shquar shqiptarë, prof. Fatos Qerimaj, klarinetistë, kompozitorë dhe Fatma Spahiu, pianiste.
Gjithashtu, gjatë koncertit u mirëprit interpretimi instrumentistëve të kësaj orkestre si: në flaut Orieta Gjyshi, Klodiana Behlula, Yllka Hasimi, në oboj Enos Delija, në saks Fatabardh Capi, Arben Kasa, Kristi Topi, Bledar Çaçi dhe Roland Shaqja, në fag Sigrid Çarçiu dhe Ilirian Bllako etj.
Koncerti u drejtua me nivel dhe profesionalizëm nga dirigjentët Artan Liçaj dhe Altin Babameto.