Politikat e Sigurisë Të tjera nga MM Kulturë Ditë e Hapur në PU për fëmijët në festën e tyre të 1 Qershorit
Në rastin të 1 Qeshorit, Ditës Ndërkombëtare të Fëmijëve, me iniciativën dhe nën kujdesin e veçantë të komandantit të Policisë Ushtarake, kolonel Xhevdet Zeneli, në mjediset e Policisë Ushtarake u zhvillua një aktivite i quajtur “Dita e hapur”. Në këtë ditë, morën pjese efektivë ushtar profesionistë, nënoficerë dhe oficerë të Policisë Ushtarake, të shoqëruar nga familjet dhe fëmijët e tyre. I pranishëm në këtë aktivitet ishte edhe shefi i Shtabit të Përgjithshëm i Forcave të Armatosura, gjeneralmajor Jeronim Bazo me familjen, si dhe përfaqësues nga Ministria e Mbrojtjes dhe Shtabi i Përgjithshëm i FA-së.
Mirëseardhjen fëmijëve dhe familjareve ia uroi komandanti i Policisë Ushtarake, kolonel Xhevdet Zeneli, i cili falënderoi në mënyrë të veçantë ata që ishin në qendër të këtij evenimenti, fëmijët, duke iu uruar njëherazi gëzuar fetën e tyre të 1 Qershorit. Më pas nisën edhe festimet për këtë ditë, ku trupa e animatorëve aktroi për fëmijët për me shume se një orë. Me shumë kërshëri fëmijët vizituan nga afër, por edhe u zbavitën në teknikën e Policisë Ushtarake. Shumë sinjifikative ishin momentët kur fëmijët vishnin dhe mbanin plot kënqaësi pajisje të Policisë Ushtarake.
Në këtë ditë, shefi i Shtabit të Përgjithshëm i FA-së, gjeneralmajor Jeronim Bazo “harroi” detyrën si ushtaraku më i lartë i FA dhe i shërbeu fëmijëve në të gjitha tavolinat që ishin shtruar enkas për ta, duke i uruar për festën e tyre. Në fund të këtij aktiviteti, një foto e përbashkët me të gjithë pjesëmarresit, ishte epilogu përmbyllës i këtij aktiviteti mbresëlënës. Të gjithë uruan që kjo nismë të kthehet në traditë për të gjithë Forcat tona të Armatosura.
