Koncert me fëmijët e ushtarakëve me rastin e festave të nëntorit

e shtunë, 28 nëntor 2015 16:38

Foto Galeri

Në kuadër të veprimtarive që po zhvillohen me rastin e festave të nëntorit, fëmijët e ushtarakëve nën drejtimin e Qendrës së Kulturës, Mediave, Botimeve të Mbrojtjes, Muzeut dhe Shtëpive të Pushimit të Ministrisë së Mbrojtjes organizuan një spektakël me një tematikë të pasur të repertorit të këngëve dhe valleve patriotike shqiptare.

Fëmijët e ushtarakëve shpalosën gjithashtu me plot emocion vlerat e krijimtarisë poetike, patriotike të autorëve tanë më të shquar. Të pranishme në këtë aktivitet festiv, ishin drejtues të QKMBMMSHP si dhe familjarë e të afërm të fëmijëve pjesmarrës në këto kurse.

Ky spektakël u realizua edhe me bashkëpunimin e Qendrës së Fëmijëve të Tiranës, të cilët me pjesët e valleve tiranase i dhanë ngjyra e dimensione më të larmishme, duke përcjellë në këtë mënyrë për të pranishmit emocione mjaft të veçanta. Në fund të këtij aktivitetit festiv të pranishmit vizituan edhe një ekspozitë me vizatime të përgatitura nga fëmijët e ushtarakëve, pjesëmarrës në kursin e Arteve Pamore pranë QKMBMMSHP.