Publikohen botimet ushtarake për vitin 2013

e premte, 14 shkurt 2014 13:59

Gjithashtu, drejtori i Qendrës së Librit dhe Mbështetjes me Informacion, kolonel në rezervë Bernanrd Zotaj, në fjalën e tij u ndal në rëndësinë dhe vlerat që ka libri për edukimin dhe përgatitjen e ushtarakëve, duke u ndalur më pas më konkretisht në një cikël botimesh të rëndësishme të botuara gjatë vitit 2013 për Forcat tona të Armatosura.

Në fund të këtij aktiviteti të rëndësishëm, të pranishmit i përshendeti shefi i Shtabit të Përgjithshëm i FA, gjeneralmajor Jeronim Bazo. Në fjalën e tij, gjeneralmajor Bazo ka vlerësuar si shumë të rëndësishëm dhe me vlera pozitive promovimin nga Qendra e Doktrinës e KDS të botimeve ushtarake gjatë vitit 2013. Në këtë kontekst, gjeneralmajor Bazo përcolli një mesazh të ngrohtë falenderimi për të gjithë ata profesorë, pedagogë, oficerë dhe specialistë jo vetëm të Qendrës së Doktrinës, por edhe më gjërë, në Forcat e Armatosura, të cilët me përkushtim dhe profesionalizëm kanë punuar dhe kontribuar për përgatitjen e këtyre botimeve dinjitoze dhe të përafërta me standardet e NATO.