Forcat e Armatosura ekipi më i mirë i “Tirana Marathon”

e diel, 07 tetor 2018 15:50

Fotogaleria

Rreth 100 ushtarakë përfaqësuan denjësisht Forcat e Armatosura të Republikës së Shqipërisë duke e shpallur ekipin më të mirë të gjysmëmaratonës së Tiranës, në të cilën morën pjesë pjesë mbi 2500 garues nga Shqipëria, Europa dhe Afrika në garat 10 dhe 21 km.

Pjesë e ekipit të Forcave të Armatosura ishte dhe vetë shefi i Shtabit të Përgjithshëm të FA, gjeneral brigade Bardhyl Kollçaku i cili garoi për 21 km si dhe zëvendësshefja e Shtabit të Përgjithshëm të FA gjeneral brigade Manushaqe Shehu e cila garoi në disiplinën 10 km.

Në rang ekipesh FA mori medaljen si ekipi më i mirë i aktivitetit. Medalje kjo e dorëzuar nga Bashkia e Tiranës.

Rekordmenia e Shqipërisë, ushtare e dytë Luiza Gega, e cila është pjesë e FA, fitoi garën 21 km për vajza, ndërkohë që në garën 10 km, në vendin e katërt u rendit major Bledar Mesi. Vendi i pestë në 21 km u zu nga toger Renato Dorzi.

Pjesëmarrja e efektivëve të Forcave të Armatosura në “Tirana Marathon” është bërë tashmë traditë, duke regjistruar paraqitje mjaft dinjitoze, të kryesuara nga ushtare e dytë Luiza Gega.

VIDEO: