106 - Vjetori i FA, OFFA koncert në sheshin “Skënderbej”, Xhaçka: Ushtarakët, model i mrekullueshëm për t’u ndjekur

Fotogaleria

020

Me rastin e 106 - Vjetorit të Krijimit të Ushtrisë Kombëtare, Orkestra Frymore e Forcave të Armatosura (OFFA) solli një atmosferë ndryshe në sheshin “Skënderbej”, të zbukuruar nga bashkia e Tiranës për festat e fundvitit.

OFFA luajti marshe ushtarake, por edhe pjesë festive për të pranishmit, mes të cilëve ishin edhe ministrja e Mbrojtjes Olta Xhaçka, kryetari i Bashkisë së Tiranë Erion Veliaj, shefi i Shtabit të Përgjithshëm të FA gjeneral brigade Bardhyl Kollçaku dhe mjaft qytetarë të kryeqytetit.

070

Ministrja Xhaçka përgëzoi zotin Veliaj për punën e tij në krye të bashkisë së kryeqytetit dhe vlerësoi kontributin dhe përkushtimin mbi njëshekullor të FA, si një shembull që duhet ndjekur. “Si qytetare e Tiranës dua të të falënderoj nga zemra për gjithë punën e jashtëzakonshme, për sakrificën, për përkushtimin, për vizionin dhe filozofinë tënde të drejtimit, që jam e bindur do të sjellin një qytet shumë më të mirë për të jetuar për secilin prej nesh që ka vendosur të jetojë këtu edhe të rrisë këtu fëmijët e vet. Dua të falënderoj ty edhe ekipin e talentuar të bashkisë që na jeni bashkuar sot këtu, që jeni bërë bashkë me ne për të festuar 106 – Vjetorin e Krijimit të FA. Kjo është një ditëlindje shumë e rëndësishme për Forcat tona të Armatosura, besoj se është një ditëlindje e rëndësishme për të gjithë shqiptarët, sepse FA u përkasin të gjithëve edhe modeli i tyre, është një model i mrekullueshëm për t’u ndjekur nga të gjithë” - u shpreh ministrja Xhaçka.

075

Nga ana e tij zoti Veliaj shprehu mirënjohjen për shërbimin që ushtarakët shqiptarë kanë dhënë në këto 106 vite, duke i cilësuar njerëzit në uniformë si një model që duhet ndjekur sa i përket respektit ndaj shtetit dhe ligjit. “Të shikosh flamurin tonë, të shikosh dinjitetin, respektin, disiplinën, aftësitë e Forcave tona në Irak, në Afganistan, apo në vende të tjera, është një krenari e jashtëzakonshme, se ti asnjëherë nuk mendon që do vijë dita që do shikosh brenda jetës tënde si i rritur sesi vendi yt, nga një vend inferior është sot një vend që eksporton paqe dhe përfaqëson këtë civilizim dhe këtë qytetari shqiptare, meritë e ushtarakëve tanë. Sot ka ardhur koha që të gjithë të mësojmë nga ushtarakët. Respekti ndaj shtetit, respekti ndaj uniformës, respekti ndaj flamurit ishte i njëjtë sepse një ushtarak e trajton punën e vetë si një mision për uniformën, për flamurin, për stemën dhe për dinjitetin e shtetit tonë. Sot kemi respekt për të 106 vitet shërbim me dinjitet kombit tonë, pavarësisht kush është pushteti, Shqipërisë i shërbehet shtetit.”- tha kryetari i bashkisë.

005

Koncerti i OFFA në sheshin “Skënderbej” ishte aktiviteti përmbyllës për festimet e 106 - Vjetorit të Krijimit të Ushtrisë Kombëtare, të cilat nisën me nisjen e kontingjentit të radhës për në Afganistan dhe vijuan më pas me ekspozita fotografike dhe dokumentare të historisë së Forcave tona të Armatosura.

Gjithashtu, me rastin e këtij përvjetori, në garnizonin “Skënderbej” u zhvilluan disa aktivitetet sportive në disiplina të ndryshme, ku u dhanë edhe medalje për fituesit.

VIDEO:




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31