Aktivitet në Muzeun e FA me rastin e 102 - vjetorit të lindjes së kompozitores Dhora Leka

e martë, 04 mars 2025 15:05

Fotogaleria

Në 102 - vjetorin e lindjes së kompozitores Dhora Leka, Ministria e Mbrojtjes kujtoi në Muzeun e Forcave të Armatosura kontributin e saj të pazëvendësueshëm në kulturën dhe artin shqiptar.

Për të nderuar veprën e saj, akademiku Vasil Tole, në bashkëpunim me Ministrinë e Mbrojtjes, publikoi librin “Dhora Leka, kompozitorja e parë”.

Ministri Pirro Vengu theksoi se, Dhora Leka është një figurë që nuk mund të harrohet, pasi ndikimi i saj ka kaluar përtej kufijve të Shqipërisë dhe ka ndihmuar në formimin e identitetit tonë kombëtar.

Veprat e saj, sidomos këngët partizane, janë pjesë e trashëgimisë kulturore dhe një dëshmi e qëndresës ndaj vështirësive të kohës.

Dhora Leka, e njohur për krijimin e këngëve, që i dhanë frymë luftës për liri, ka lënë një pasuri të paçmuar për kulturën shqiptare.