Koncerti i Forcave të Armatosura çel sezonin turistik në Pogradec

Në kuadër të nisjes së sezonit turistik, në sheshin “Odeon” të Pogradecit u zhvillua një koncert nga formacioni Big Band i OSFA. Djem dhe vajza në uniformë interpretuan muzikë për publikun vendas dhe turistët, duke sjellë atmosferë festive buzë liqenit.

Ky aktivitet është pjesë e nismës, që synon gjallërimin e jetës artistike në qytetet shqiptare, duke kthyer hapësirat publike në skena të hapura për artin, muzikën dhe bashkëjetesën kulturore.

Në javët në vazhdim, aktivitete në kuadër të kësaj nisme do të organizohen në qyteteve të tjera të vendit, duke sjellë muzikën dhe shpirtin festiv në bregdetin e jugut dhe më gjerë.