Koncert i OSFA dhe fitueset e çmimeve të “Pianisti i Ri” 2024

OSFA në bashkëpunim me shoqatën EPTA - Albania (European Piano Teachers Association of Albania) prezantuan fitueset e çmimeve të Edicionit XXVII të Festivalit Ndërkombëtar “Pianisti i Ri” 2024, Era Kume dhe Samantha Shpata.

Nën drejtimin e dirigjent Harlen Nikolli, solistja Era Kume ekzekutoi koncertin për piano të Mendelssohn: Piano Concerto No. 1, Op. 25, shoqëruar nga Orkestra Simfonike e FA.

Ndërsa solistja Samantha Shpata, po nën drejtimin e dirigjent Harlen Nikolli dhe e shoqëruar nga Orkestra Simfonike e FA luajti nga W.A.Mozart - Piano Concerto No. 12, K.414.

Mbrëmja e djeshme me OSFA dhe Era Kume dhe Samantha Shpata dy vajza jashtëzakonisht të talentuara, ishte befasuese për nivelin e performimit.

OSFA është dhe do të jetë gjithmonë në mbështetje të talenteve të reja dhe rezervon një vend të veçantë në programacionin e saj për mbështetjen e brezit të ri të artistëve.

Koncerti u zhvillua në liceun artistik “Jordan Misja”, salla “Tonin Harapi”.