Koncert vokal - simfonik i OSFA dhe korit italian “Canticum Novum di Solomeo”

e diel, 27 prill 2025 12:23

Fotogaleria

Më datë 25 prill, ora 19:00 në teatrin “Aleksandër Moisiu”, Durrës dhe më 26 Prill, ora 19.00 në teatrin “Petro Marko”, Vlorë për herë të parë OSFA në bashkëpunim me korin italian "Canticum Novum di Solomeo" prunë dy mbrëmje magjike të muzikës klasike!

Një koncert vocal - simfonik tejet i veçantë, për një vepër shumë të veçantë dhe domethënse!

“Pater Noster” nga Dan Forrest, vepër dedikuar Papa Françeskut, një kompozim shumë i ndjerë dhe i fuqishëm për kor e orkestër, bazuar mbi tekstin tradicional të lutjes së “Ati ynë”.

Dan Forrest, kompozitor amerikan shumë i njohur për muzikën korale, i jep kësaj lutjeje një ndjeshmëri të veçantë, duke përdorur harmoni moderne dhe linja melodike shumë të pasura emocionalisht.