Nisma SHBA - Karta e Adriatikut, Shqipëria drejton takimin e përfaqësuesve të tetë vendeve

Nën kryesimin e Shqipërisë u mbajt në Tiranë "Takimi i përbashkët i drejtorëve politikë të Ministrive të Jashtme dhe të Mbrojtjes", në kuadër të Iniciativës SHBA - Karta e Adriatikut.

Takimi u bashkëdrejtua nga drejtori i Përgjithshëm i Politikave të Mbrojtjes z. Gjergji Methoxha si dhe drejtori i NATO në Ministrinë për Evropën dhe Punët e Jashtme z. Petrika Jorgji.

Lexo më shumë...

Shqipëria 15 vjet në NATO, ministri Peleshi: Fatlumë që jemi pjesë e kësaj hapësire, vlerësim për kontributin e përfaqësuesve tanë

Shqipëria shënon këtë vit 15 - Vjetorin e anëtarësimit në Aleancën më të madhe ushtarake, NATO. Nga Përfaqësia jonë Diplomatike në Bruksel, ministri i Mbrojtjes Niko Peleshi shprehu vlerësimin për kontributin që përfaqësuesit tanë kanë dhënë dhe japin çdo ditë, në këtë rrugëtim.
“Jemi fatlumë që jemi pjesë e hapësirës së NATO, e kësaj Aleance të fuqishme ushtarake. Unë dua të përgëzoj punën e përditshme që Përfaqësia jonë bën për të përcjellë mesazhet, qëndrimet dhe për të lobuar interesat strategjike kombëtare këtu në NATO, në komitete të ndryshme, por edhe në komandat, jo vetëm në Bruksel, por edhe në të gjithë hapësirën e NATO”, - theksoi ministri Peleshi.

Lexo më shumë...

Ministri Peleshi uron gratë dhe vajzat e FA: Përkushtimi dhe sakrifica juaj për familjen dhe mbrojtjen e atdheut, e pazëvendësueshme

Ministri i Mbrojtjes, Niko Peleshi uroi me rastin e 8 Marsit, Ditës Ndërkombëtare të Gruas të gjitha gratë dhe vajzat ushtarake. Përmes një videoje, ku shfaqen momente nga stërvitje të ndryshme, ku gratë dhe vajzat janë njësoj të angazhuara si burrat, ministri Peleshi shpreh vlerësimin për kontributin e tyre.

Lexo më shumë...

Inaugurohet Baza Ajrore Taktike e NATO në Kuçovë, Peleshi: Investim madhor, aset për të gjithë rajonin

U inaugurua sot Baza Ajrore Taktike e NATO-s në Kuçovë. Në ceremoninë e zhvilluar me këtë rast morën pjesë drejtuesit më të lartë të shtetit: presidenti Bajram Begaj, kryeministri Edi Rama, kryetarja e Kuvendit Lindita Nikolla, ministri i Mbrojtjes Niko Peleshi, shefi i SHP të FARSH gjeneralmajor Arben Kingji, përfaqësues të lartë të NATO, ministra të vendeve anëtare të Aleancës, ministri i Mbrojtjes së Kosovës Ejup Maqedonci, ambasadorë, ushtarakë dhe ish-ushtarakë.

Lexo më shumë...