Ministri Pirro Vengu pret homologun kosovar Ejup Maqedonci: Kosova, një nga prioritetet kombëtare të Shqipërisë
Ministri i Mbrojtjes z. Pirro Vengu priti në një takim ministrin e Mbrojtjes së Kosovës z. Ejup Maqedonci dhe delegacionin që e shoqëronte.
Ministri Vengu i uroi mirëseardhjen homologut të tij, ndërsa e cilësoi Kosovën një nga prioritetet kryesore kombëtare të Shqipërisë. Gjatë bashkëbisedimit, ministri i Mbrojtjes z.Pirro Vengu theksoi se, institucioni që drejton është tejet i angazhuar në përpjekjet për përfshirjen dhe anëtarësimin e Kosovës në iniciativa rajonale e ndërkombëtare, përfshirë këtu edhe një prej nismave të rëndësishme siç është ajo e Kartës së Adriatikut A5, që këtë vit zhvillohet në Shqipëri.
Emergjencat Civile, ministri Vengu, thirrje kryebashkiakve: Shfrytëzoni fondin e pakushtëzuar, aplikoni me projekte
Ministri i Mbrojtjes, z. Pirro Vengu mori pjesë në takimin e thirrrur nga kryeministri Edi Rama me kryetarë të bashkive të vendit dhe ministrat Albana Koçiu e Arbjan Mazniku, për bashkëpunimin në interes të komunitetit për të diskutuar për platformat e dialogut, emergjencat civile dhe ndihmat sociale.
Ministri i Mbrojtjes merr pjesë në Ministerialin e Nismës ADRION: Shqipëria e përkushtuar për të ofruar siguri dhe stabilitet në rajon
Ministri i Mbrojtjes së Shqipërisë, z. Pirro Vengu mori pjesë në Ministerialin e Iniciativës ADRION (Adriatic and Ionian Initiative), që u mbajt në Venecia.
Gjatë fjalës së tij, ministri Vengu falënderoi homologun italian Guido Crosetto për pritjen, ndërsa theksoi rëndësinë e bashkëpunimit rajonal për të siguruar stabilitetin dhe sigurinë në rajonin Adriatiko-Jonian.
Përmirësohet situata nga përmbytjet në Vlorë, vijon pastrimi i inerteve dhe evidentimi i dëmeve
Situata në qytetin e Vlorës është përmirësuar ndjeshëm pas problematikave që sollën reshjet intensive të shiut. Të gjitha rrugët janë të kalueshme nga mjetet dhe këmbësorët.
Po vijon puna për pastrimin e disa akseve nga inertet dhe heqjen e ujit nga garazhet nëntokësore të disa pallateve.
Vlorë, FA në terren në ndihmë të banorëve
Të gjitha strukturat e emergjencave civile vijojnë të jenë të angazhuara në terren që prej pasdites së djeshme, për të riparuar të gjitha problematikat e shkaktuara nga reshjet me intensitet të lartë. Si pasojë e punës së bërë gjatë gjithë natës dhe ndërprerjes së reshjeve, situata është përmirësuar.
Aktualisht, puna e të gjitha strukturave: Bashkisë së Vlorës, UK Rajoni Vlorë, Drejtoria Vendore e Policisë, OSHEE, Prefekturës, është përqendruar në 4 kryqëzime ende të bllokuara në qytetin e Vlorës, i cili u prek më shumë nga situata e keqe e motit në 24 orët e fundit.
Artikuj nga Newsroom
e martë, 28 tetor 2025
