Anëtarë të denjë të Aleancës së Atlantikut të Veriut

4-5 shtator 2014

Ditën e enjte, më 4 shtator nisi në Uells samiti dyditor i NATO. Në samit morën pjesë delegacionet e nivelit të lartë të 28 vendeve anëtare të Aleancës së Atlantikut të Veriut. Delegacioni shqiptar u kryesua nga kryeministri Edi Rama dhe në përbërje të tij ishte edhe ministri i Punëve të Jashtme Ditmir Bushati dhe ministrja e Mbrojtjes Mimi Kodheli.

Samiti u hap nga sekretari i Përgjithshëm i NATO, Anders Fogh Rasmussen, i cili nënvizoi se ky samit do t’i shërbejë forcimit të partneritetit të Aleancës në përballjen me sfidat e përbashkëta të sigurisë. Në ditën e parë të samitit u diskutua mbi situatën në Ukrainë dhe Afganistan, kurse në ditën e dytë 28 liderët ranë dakord për një Plan Veprimi të Shpejtë, për të siguruar se NATO është e gatshme të përballet me sfidat e reja të sigurisë në mbarë botë.

Lexo më shumë...



Ministrja e Mbrojtjes Mimi Kodheli takon zëvendësasistenten e sekretarit të Mbrojtjes së SHBA, Evelyn N. Farkas

Ministrja e Mbrojtjes, znj. Mimi Kodheli, ndodhet në Bruksel ku po merr pjesë në Ministerialin e radhës të ministrave të Mbrojtjes të vendeve të NATO.

Gjatë ditës së sotme, znj. Kodheli pati një takim kokë me kokë me zëvendësasistenten e sekretarit të Mbrojtjes së Shteteve të Bashkuara të Amerikës për Rusinë, Ukrainën dhe Euroazinë, znj. Evelyn N. Farkas. Gjatë këtij takimi znj. Kodheli e njohu znj. Farkas me reformat aktuale në fushën e Mbrojtjes dhe në Forcat e Armatosura, siç janë propozimet e fundit për përmirësimin e kuadrit ligjor. Në këtë pikë ajo u ndal gjithashtu edhe tek angazhimi i Ministrisë së Mbrojtjes në luftën kundër korrupsionit dhe në ristrukturimin e Forcave të Armatosura.

Lexo më shumë...



Ministrja Kodheli vizitë në Komandën Supreme të Forcave Aleate

Ministrja Kodheli: Shqipëria hap përpara në angazhimin tonë në NATO

Ministrja e Mbrojtjes, znj. Mimi Kodheli ndodhet për një vizitë në Komandën e Aleancës për Operacionet (ACO) në Mons të Belgjikës. Sot ajo është pritur në një takim zyrtar nga komandanti suprem i Forcave Aleate për Europën, gjenerali Philip Breedlove. Gjatë takimit ministrja Kodheli e ka njohur ushtarakun e lartë të NATO me zhvillimet e fundit në Forcat e Armatosura të Republikës së Shqipërisë. Znj. Kodheli theksoi fort mbështetjen e palëkundur të Shqipërisë për angazhimin e ardhshëm në Afganistan.

Lexo më shumë...



Ministrja Kodheli merr pjesë në konferencën “5 vjet në NATO”

Ministrja Kodheli: Ne do t’i kthejmë dinjitetin e munguar Forcave të Armatosura dhe nuk do të lejojmë që deklarata për konsum dhe përfitim politik të dëmtojnë imazhin e ri që ne po krijojmë.

Ministrja e Mbrojtje, znj. Mimi Kodheli ka marrë pjesë në konferencën ndërkombëtare "5 vjet anëtarësim në NATO: Impakti kombëtar-rajonal dhe sfidat e ardhshme". Kjo konferencë organizohet nga Instituti Shqiptar për Studime Ndërkombëtare. Ishin të pranishëm gjithashtu: ambasadori SHBA në Tiranë, z. Alexander Arvizu, shefi i Shtabit të Përgjithshëm i FA, gjeneralmajor Jeronim Bazo, kryetari i Partisë Demokratike, z. Lulzim Basha, diplomatë, studiues, përfaqësues të botës akademike, si dhe mjaft të ftuar të tjerë.

Lexo më shumë...



Artikuj nga Newsroom