Misioni dhe Detyra (KM)

Misioni:

Mbështetja me shërbime të trupave të luftimit, mbështetjes së luftimit të Komandave në kohë paqe /krize/lufte, në interes të plotësimit të misionit të tyre,si dhe në operacione të Emergjencave Civile dhe në misionet ndërkombëtare.

Detyrat:

- Të sigurojë në çdo kohë aftësi operacionale dhe gatishmëri luftarake në kapacitetet e nevojshme, për t’ju përgjigjur kërcënimeve dhe rreziqeve në realizimin e misionit kushtetues.
- Të mbështesë aktivitetet e Forcave të Armatosura të RSH me të gjitha klasat e furnizimit (1-5) dhe me shërbime logjistike.
-Të sigurojë kapacitete të nevojshme operacionale për kryerjen e operacioneve luftarake, emergjencave civile, kërkim - shpëtimit, operacioneve humanitare dhe ato në ndihmë të komunitetit në bashkëpunim me strukturat e tjera të FA.
-Të sigurojë kapacitete të nevojshme operacionale për përmirësimin e infrastrukturës së FA të RSH.
-Të sigurojë kapacitete të nevojshme operacionale për kërkimin, zbulimin, çminimin dhe asgjësimin e municioneve të rrezikshme dhe lëndëve plasëse në operacionet brenda dhe jashtë vendit.
-Të sigurojë mbështetjen e strukturave të FA me riparime, mirëmbajtje të përgjithshme të specializuara të mjeteve motorike tokësore, në operacione brenda dhe jashtë vendit në kohë paqe, krize, lufte e emergjence civile.
-Të mbështesë me transport strukturat e FA brenda dhe jashtë vendit.
-Të sigurojë mbështetjen shëndetësore të personelit ushtarak aktiv në rezervë dhe pension, familjeve të tyre si dhe punonjësve civil të FA.
-Të administrojë, menaxhojë municionet, armatimin, teknikën dhe pajisjet rezervë të FA të RSH.
-Të ruajë, administrojë materialet, vlerat monetare, pajisjet në përdorim e rezervë, sipas klasave dhe niveleve të furnizimit.
-Të sigurojë nëpërmjet BCU, trajnimin dhe përgatitjen e personelit ushtarak dhe civil për detyra specifike që dërgohen me misione jashtë vendit.
-Të arsimojë, trajnojë, stërvisë të kualifikojë oficerët, nënoficerët dhe ushtarët e strukturave të FA në specialitetin furnizim, transport, mirëmbajtje, xhenio, personel-administratë, armatim - municion dhe shëndetësi në interes të përmbushjes së misionit të tyre.