Instituti i Gjeografisë dhe Infrastrukturës Ushtarake (IGJIU)

Instituti i Gjeografisë dhe Infrastrukturës Ushtarake (IGJIU) është institucion shtetëror, kërkues e shkencor, projektues e prodhues i cili funksionon si Agjenci Hartografike Kombëtare.

IGJIU funksion në bazë të ligjit nr. 8907 “Për funksionimin e Institutit Gjeografik Ushtarak  (IGJU) të Shqipërisë” i datës 06/06/2002, i ndryshuar, me ligjin nr. 72/2012, “Për organizimin dhe funksionimin e infrastrukturës kombëtare të informacionit gjeohapësinor në Republikën e Shqipërisë”.

Që nga krijimi i tij në vitin 1975, roli dhe kontributi i IGJIU-së ka qenë i jashtëzakonshëm jo vetëm duke mbështetur me prodhime hartografike e gjeodezike të gjitha strukturat e mbrojtjes por gjithashtu ka luajtur rol të rëndësishëm në studimin dhe projektimin e veprave të ndryshme inxhinierike, të infrastrukturës dhe të atyre në funksion të ekonomisë së vendit.

Në muajin korrik të vitit 2014 me rastin e kalimit në strukturën e re organizative, IGJU bashkohet me ISPMb dhe merr emrin Instituti i Gjeografisë dhe Infrastrukturës Ushtarake. Si rrjedhim i këtij bashkimi rritet roli dhe përgjegjësia e tij ku përpos detyrave të tjera ky institut mbështet dhe këshillon Ministrinë e Mbrojtjes dhe Shtabin e Përgjithshëm në kërkesat për studim, projektim, standardizim, certifikim të të gjitha objekteve ushtarake e civile, ekzistuese dhe të perspektivës.

Instituti Gjeografik Ushtarak të Shqipërisë është nderuar me “Medaljen e Mirënjohjes” për kontributin e çmuar në fushën e gjeodezisë dhe hartografisë shqiptare dhënë me dekret të presidentit të Republikës së Shqipërisë nr. 4515, dt. 18/03/2005.