Arkiva e IGJIU

Arkivi tekniko - shkencor i krijuar pranë Institutit të Gjeografisë dhe Infrastrukturës Ushtarake përbën një pasuri unike kombëtare. Ai mbart në vete, një kronikë hartografike të Shqipërisë, që nuk mund të gjendet në asnjë institucion tjetër historik-hartografik i vendit. Në Arkivin gjeohartografik të IGJU janë regjistruar, ruhen dhe administrohen të gjitha studimet, projektet, matjet e prodhimet me karakter hartografik, gjeodezik, gjeografik, topografik, fotogrametrik të kryera në vite, aerofilmat, filmat (negativë dhe pozitivë), planet dhe projektet e veprave të infrastrukturës.

Materialet që vihen në dispozicion të institucioneve shtetërore e private, studiuesve e kërkuesve, studentëve dhe qytetarëve të thjeshtë:

• Kopje të hartave të vjetra me rëndësi historike kombëtare të shfrytëzuara kryesisht nga studiuesit, kërkuesit por edhe qytetarët e thjeshtë për probleme pronësie:

- Harta të kufirit të hartuara nga Komisioni i kufijve shkalla 1:50.000, v. 1922-1925
- Harta Austriake shkalla 1:75.000, 1:100.000 dhe 1:200.000, v. 1905-1917
- Harta Italiane shkalla 1:50.000, v.1937

• Harta ruse në shkallët 1:25.000, 1:50.000, 1:100.000, 1:200.000, 1:1.000.000, v. 1957 -1962.

• Harta topografike të përpiluara dhe botuara nga IGJIU ndër vite në shkallët 1:10.000, 1:25.000, 1:50.000, 1:100.000, 1:200.000, 1:500.000

• Harta Tematike

- Harta e Tiranës shkalla 1:12.500, v.2002
- Harta e Metropolit shkalla 1:75.000, v.2003
- Harta rrugore e Shqipërisë shkalla 1:400.00, v.2002
- Harta rrugore e Shqipërisë shkalla 1:200.000 (3 fletë), v. 1991
- Harta e Kosovës shkalla 1:250.000, v.1998

• Harta Detare

- Gjiri i Durrësit shkalla 1:25.000, v. 2000
- Gjiri i Vlorës shkalla 1:35.000, v. 2006
- Spille-Radhimë shkalla 1:100.000, v. 2002
- Radhime-Kepi i Stillos shkalla 1:100.000, v. 2005
- Gryka e Bunes - Kepi i Lagjit shkalla 1:100.000, v. 2005

• Fotografi ajrore v.1957, 1972-1980, 1981-1989 dhe 1994

• Pika të rrjetit të triangulacionit dhe nivelacionit shtetëror të klasit I, II, III
Hartat sipas standardeve të NATO të shkallës 1:50.000, 1:25.000 dhe 1:10.000 janë hartuar dhe prodhuar vetëm për përdorim brenda strukturave të Forcave të Armatosura.