Historiku i IGJIU

Punimet e para gjeodezike në Shqipëri zënë fill në vitet 1918-1927 me punimet e Institutit Gjeografik të Vjenës. Në këto harta për herë të parë u zbatuan metodat fotogrametrike me fotografi ajrore të marra nga aerostati. 

Në 17 shtator 1927 krijohet grupi i parë gjeodezik me 13 specialistë. Detyra e këtij shërbimi ishte plotësimi i nevojave të ushtrisë me harta dhe materiale hartografike, organizimi i përgatitjes topografike të ushtarakëve, sigurimi i bazamentit të nevojshëm gjeodezik për nevoja të ushtrisë etj.

Në 10 gusht 1965 u shtyp e para hartë shqiptare me nomenklaturë K-34-87-D-b.

Instituti Topografik i Ushtrisë u krijua në 8 Mars te vitit 1975 me vendim të Këshillit të Ministrave, në varësi të Ministrisë së Mbrojtjes Popullore, me qëndër në Tiranë. Në këtë vendim përcaktohet se ITU është një institucion ushtarak, kërkimor e prodhues në fushën e përgatitjes gjeografike të ushtrisë shqiptare. Ai u krijua nga bashkimi i dy reparteve, reparti i Topografisë dhe ai i Hartografisë, të cilët kishin ushtruar aktivitetin e tyre qe nga dhjetori i vitit 1961.
Instituti do të hartonte politika të grumbullimit, përpunimit, mirëadministrimit të informacioneve gjeografike dhe të gjeosistemeve në shkallë vendi. Ai do të organizonte përgatitjen topogjeodezike të terrenit shqiptar, përgatitjen e literaturës topografike e gjeografike ushtarake për armët dhe shërbimet e ushtrisë, do të planifikonte të gjithë punën për përgatitjen topografike të kuadrove dhe efektivave të strukturave të forcave të armatosura, për planizimin dhe krijimin e rezervave të nevojshme me harta topografike dhe tematike apo speciale, si dhe do të ideonte dhe organizonte punën studimore, shkencore në fushat përkatëse. Struktura organizative e ITU ishte: Drejtoria, Dega e planifikimit dhe e kontrollit, Administrata, Dega e Furnizimit, Toga e Transportit, Sektori i punimeve gjeodezike, Sektori i punimeve Fotogrametrike, Sektori i punimeve Topografike, Sektori i punimeve Hartografike, Laboratori Optiko - Mekanik.

Në vitin 1983 krijohet seksioni shkencor i Institutit me detyrë kryesore projektimin dhe pjesërisht zbatimin e detyrave topogjeodezike e hartografike.
Ky seksion në vitin 1992 mori emrin Bordi Shkencor e më vonë në vitin 2001 u quajt Departamenti Kërkimor dhe i Projekteve.
Një ndër arritjet më kryesore e më të rëndësishme të Institutit është krijimi i Rrjetit të ri gjeodezik të Shqipërisë i cili përfundoi në vitin 1986.

Në vitin 1994 u nënshkrua marrëveshja midis ITU dhe Agjensisë hartografike të SHBA (NIMA). Qëllimi i saj është sigurimi i një ndihme teknike për bashkëprodhim dhe shkëmbim të ndërsjelltë të hartave dhe informacioneve detare dhe ajrore, gjeodezike dhe gjeofizike, për arritjen e detyrave me karakter kombëtar për të dy institucionet. Projekti më kryesor i bashkëpunimit me palën amerikane ishte përtëritja e hartave topografike sipas standarteve të reja të NATO. Ky projekt përfundoi në vitin 2001.
Në Tetor të vitit 1994 u kryen fushatat e para të matjeve me GPS. Rezultatet e matjeve u shfrytëzuan për përgatitjen e një programi për llogaritjen e bazës matematike të hartave të reja.
Në mars të vitit 2000 në kuadrin e 25 - Vjetori i krijimit të ITU-së, doli vendimi i Këshillit të Ministrave për ndryshimin e emrit duke e quajtur Instituti Gjeografik Ushtarak i Shqipërisë.

Instituti Gjeografik Ushtarak të Shqipërisë është nderuar me “Medaljen e Mirënjohjes” për kontributin e çmuar në fushën e gjeodezisë dhe hartografisë shqiptare dhënë me dekret të Presidentit të Republikës së Shqipërisë nr. 4515, dt. 18.03.2005.

Historiku i ISPMB

Instituti Studimeve Projektimeve të Ministrisë Mbrojtjes është krijuar në 18.03.1975.
Instituti Studimeve Projektimeve të Ministrisë Mbrojtjes (ISPMB) është në varësi direkte të ministrit të Mbrojtjes. Në situata operacionale drejtimi e komandimi i ISPMB bëhet nga autoritetet ushtarake sipas akteve të nxjerra nga shefi i Shtabit të Përgjithshëm.
ISPMB mbështetet direkt Ministrinë e Mbrojtjes, Forcat e Armatosura të RSH, në kërkesat për studim, projektim, standartizimin, certifikimin e të gjitha objekteve ekzistuese ushtarake përfshirë edhe ato të perspektivës si dhe ndihmon në procesin e demontimit të municioneve të dala jashtë përdorimit.
Në qershor të vitit 2012 IGJU kaloi në varësi të MM dhe në korrik të vitit 2014 me rastin e kalimit në strukturën e re organizative, IGJU bashkohet me ISPMB dhe merr emrin Instituti i Gjeografisë dhe i Infrastrukturës Ushtarake.

Që nga bashkimi me IGJU në vitin 2014, puna kryesore e Departamentit të Infrastrukturës (Ish - ISPMB), ka qënë realizimi i projekteve të infrastrukturës për investimet e MM.
Prej vitit 2014 strukturës së IGJIU-së i’u bashkua Inspektoriati i Mjedisit (Sektori i Mjedisit),