Përfaqësitë dhe atashetë ushtarakë jashtë vendit

Republika e Shqipërisë përfaqësohet në NATO me personel nga Ministria e Mbrojtjes dhe Shtabi i Përgjithshëm i Forcave të Armatosura, ndërsa atasheu ushtarak është ushtarak aktiv i Forcave të Armatosura të Republikës së Shqipërisë që mban gradën “kolonel”.

Ai është i emëruar në një mision diplomatik si përfaqësues për çështjet e Sigurisë dhe të Mbrojtjes.

Përfaqësitë ushtarake jashtë vendit

Republika e Shqipërisë përfaqësohet në NATO me personel nga Ministria e Mbrojtjes dhe Shtabi i Përgjithshëm i Forcave të Armatosura si më poshtë:

• Përfaqësuesi i RSH në Përfaqësinë e Përhershme në NATO.
• Përfaqësuesi Ushtarak Kombëtar i RSH në Komandën Supreme të Forcave Aleate në Evropë.
• Përfaqësuesi Ushtarak Koordinator Kombëtar i RSH në Komandën Aleate për Transformim.
• Përfaqësuesi i Ministrisë së Mbrojtjes në organizatat ndërkombëtare apo iniciativat rajonale.

Të gjitha këto pozicione janë të përfaqësuara nga personel i Ministrisë së Mbrojtjes që mbajnë gradë madhore ose civilë të njësuar me ta.

Atashetë ushtarakë jashtë vendit

Atasheu ushtarak është ushtarak aktiv i Forcave të Armatosura të Republikës së Shqipërisë që mban gradën “kolonel”.
Ai është i emëruar në një mision diplomatik si përfaqësues për çështjet e sigurisë dhe të mbrojtjes.
Për momentin RSH ka atashe ushtarak rezident dhe jorezident si më poshtë:

1. Atashe ushtarak në Itali dhe jorezident në Spanjë, Portugali, Maltë, Zvicër dhe Slloveni.
2. Atashe ushtarak në Bukuresht, Rumani dhe jorezident në Armeni, Bullgari dhe Moldavi.
3. Atashe ushtarak në Mbretërinë e Bashkuar, jorezident në Irlandë.
4. Atashe ushtarak në Gjermani, jorezident në Danimarkë, Norvegji, Ceki.
5. Atashe ushtarak në SHBA, jorezident në Kanada.
6. Atashe ushtarak në Turqi, jorezident në Izrael, Azerbajxhan dhe Gjeorgji.
7. Atashe ushtarak në Poloni, jorezident në Lituani, Estoni, Letoni, Ukrainë dhe Sllovaki.
8. Atashe ushtarak në Kosovë, jorezident në Republikën e Maqedonisë së Veriut dhe Malin e Zi.
9. Atashe ushtarak në Greqi jorezident në Qipro.

Për informacione të mëtejshme apo probleme të qytetarëve shqiptarë brenda dhe jashtë vendit mund të informoheni më shumë në faqen zyrtare të Ministrisë për Evropën dhe Punët e Jashtme, ose nëpërmjet kontaktit me ambasadat e Republikës së Shqipërisë jashtë vendit, ku do të gjeni të publikuar pikat e kontaktit dhe informacion më të detajuar.