Shqipëria mirëpret Konferencën e 33-të të PRIMAR

Instituti i Gjeografisë dhe Infrastrukturës Ushtarake (IGJIU) në kuadër të përfaqësimit institucional të Shqipërisë, shtetit anëtar në Qendrën rajonale koordinuese të produkteve hartografike detare PRIMAR, organizoi Konferencën e 33-të të Komitetit Këshillimor PRIMAR PAC-33.

Fotogaleria

Programi tre ditor mblodhi në Tiranë 35 ekspertë, si përfaqësues nga 15 shtete anëtare të PRIMAR, me qëllim shprehjen e bashkëpunimit si partnerë në shërbimet hidrografike, standardizimin e të dhënave dhe rritjen e sigurisë së lundrimit detar.

Pjesëmarrja aktive e Shqipërisë në PRIMAR, përbën një instrument të rëndësishëm për forcimin e bashkëpunimit ndërkombëtar, garantimin e cilësisë së produkteve hartografike detare të IGJIU-së si dhe harmonizimin e tyre me standardet ndërkombëtare të Organizatave dhe Aleancave partnere.