Rritet kontributi i FA shqiptare në misionet ndërkombëtare

e enjte, 23 janar 2025 16:36

020

Forcat e Armatosura të Shqipërisë në shërbim të paqes dhe sigurisë globale!

Prej vitesh, djemtë dhe vajzat tona janë pjesë e misioneve ndërkombëtare të NATO, BE dhe OKB.
Ata kontribuojnë në 8 vende të ndryshme, nga Letonia në Sudanin e Jugut, nga Bullgaria në Irak, nga Kosova në Egjipt, nga Bosnje-Hercegovina në detin Egje.
Përveç rritjes së kapaciteteve brenda vendit, Forcat e Armatosura nga viti në vit po rrisin edhe kontributin në misionet dhe operacionet ndërkombëtare, jo vetëm sa i përket numrave, por edhe hartës së angazhimeve ushtarake në mbështetje të paqes anembanë globit.

Në vitin 2025, FA do të kenë prani të shtuar me 50 trupa në misionet e KFOR në Kosovë, ALTHEA në Bosnje dhe Hercegovinë, NSATU dhe Operacionin Interflex, dy të fundit në mbështetje të Ukrainës, duke konfirmuar dinamizmin e angazhimeve te Shqipërisë në mbështetje të paqes, sigurisë dhe stabilitetit në botë.

Artikuj nga Fakt