Rikthehet komponenti i rezervistëve në FA

e enjte, 23 janar 2025 16:35

Ligji “Për organizimin dhe funksionimin e Forcës Rezerviste,” synon kompletimin e strukturës së shërbimit ushtarak në rezervë të Forcave të Armatosura të Republikës së Shqipërisë.

Nëpërmjet kësaj nisme, qeveria shqiptare garanton rritjen e gatishmërisë dhe kapaciteteve të mobilizueshme duke bërë një hap të madh përpara drejt forcimit dhe konsolidimit të Forcave të Armatosura dhe Mbrojtjes Civile.

Në të njëjtën linjë me vendet aleate, të cilat prej kohësh po studiojnë modele për krijimin e mundësive të reja për rekrutim, sot Shqipëria aplikon një qasje të re duke synuar rritjen e numrit të komponentit rezervist deri në 2️0% të forcës aktive.

Projektligji na jep instrumentet për të pasur një forcë rezerviste tërheqëse për ata, në Shqipëri dhe Diasporë, që dëshirojnë të kontribuojnë në sigurinë e vendit.