Integrohet plotësisht kontingjenti shqiptar në misionin e BE në Bosnje dhe Hercegovinë

e hënë, 24 shkurt 2025 14:31

Toga e Forcave të Armatosura e dislokuar pak ditë më parë në Bosnje dhe Hercegovinë në kuadër të misionit EUFOR është integruar plotësisht dhe në kohë rekord me Batalionin Multidimensional.

Me praninë e tyre, 30 trupat shqiptarë kontribuojnë në rritjen e sigurisë jo vetëm në Bosnje dhe Hercegovinë, por në të gjithë rajonin.

Kontingjenti shqiptar do të shërbejë përreth 6 muaj në këtë mision, në të cilin kanë si fushë përgjegjësie kontrollin e turmave, trajtimin e mjeteve të pashpërthyera dhe evakuimin e të plagosurve.