Grup - Batalioni i Këmbësorisë së Lehtë kapacitet kombëtar i certifikuar nga NATO

e shtunë, 01 mars 2025 11:14

Grup - Batalioni i Këmbësorisë së Lehtë (GBKL), si një kapacitet kombëtar, është i certifikuar nga NATO për kategorinë e gatishmërisë "Combat Ready”, (i gatshëm për luftë).

Në kuadër të ruajtjes së kësaj gatishmërie, por edhe rritjes së mëtejshme të kapaciteteve, ky grup - batalion zhvilloi në rajone të ndryshme të vendit, stërvitjen dislokuese të koduar “Mburoja e Arbrit - 25”.

Në nisje të kësaj stërvitjeje, trupat e grup - batalionit u përshëndetën edhe nga ministri i Mbrojtjes, z. Pirro Vengu.

Kjo stërvitje dislokuese e GBKL i paraprin përgatitjeve për pritjen e stërvitjes së NATO “Defender 2025”, në vendin tonë dhe pjesëmarrjen në stërvitjet e tjera të NATO: Immediate Response - 25, Suber Guardian - 25 dhe Swift Response - 25, ku Forca Tokësore dhe Grup  -Batalioni i Këmbësorisë së Lehtë ka peshën kryesore.