Shqipëria, Kosova dhe Kroacia rrisin bashkëpunimin në fushën e Mbrojtjes

e martë, 18 mars 2025 12:50

Shqipëria, Kroacia dhe Kosova thellojnë bashkëpunimin tripalësh në fushën e Mbrojtjes, duke nënshkruar Deklaratën e Bashkëpunimit Tripalësh Ushtarak.

Bashkëpunimi synon forcimin e aftësive mbrojtëse të tri vendeve, zhvillimin e industrisë dhe teknologjisë së Mbrojtjes, si dhe përmirësimin e ndërveprimit ushtarak në rajon.

Gjithashtu, Shqipëria dhe Kroacia do të punojnë ngushtësisht për unifikimin e qëndrimeve politike në mbështetje të aspiratave të qytetarëve të Kosovës për integrim të plotë në strukturat rajonale dhe euroatlantike.