Shqipëria dhe Mbretëria e Bashkuar marrëveshje për bashkëpunim të zgjeruar në fushën e Mbrojtjes

e enjte, 15 Maj 2025 16:44

Shqipëria dhe Mbretëria e Bashkuar nënshkruan një marrëveshje për forcimin dhe zgjerimin e bashkëpunimit në fushën e Mbrojtjes. Marrëveshja u firmos në prani të kryeministrave Edi Rama dhe Keir Starmer, ministrit të Mbrojtjes Pirro Vengu dhe përfaqësuesve të lartë të të dy qeverive.

Kjo marrëveshje, e cila vendos bazën për projekte të ardhshme në përputhje me legjislacionin dhe angazhimet ndërkombëtare, parashikon bashkëpunim në fushat e prodhimit të pajisjeve ushtarake, mbrojtjes ajrore dhe sistemeve kundër dronëve, si dhe në zhvillimin e industrisë së mbrojtjes përmes investimeve dhe partneriteteve me prodhues britanikë.

Ajo synon gjithashtu trajnime dhe mundësi për eksporte të përbashkëta në vendet e treta.