Krijohet Komanda Kibernetike dhe Ndërlidhjes

e hënë, 02 qershor 2025 16:40

Krijimi i Komandës Kibernetike dhe Ndërlidhjes çon më tej angazhimin e Shqipërisë në modernizimin e infrastrukturës së saj të sigurisë kibernetike duke konfirmuar rolin gjithnjë e më aktiv rajonal dhe brenda Aleancës për sa i përket politikave të sigurisë kibernetike.

Kalimi në nivel komande do të sjellë një sërë avantazhesh si:

- Rritjen e shpejtësisë dhe koordinimit të reagimit ndaj kërcënimeve kibernetike;
- Përmirësimin e bashkëpunimit ndërinstitucional midis komponentit civil dhe ushtarak;
- Formulimin dhe zbatimin i strategjive të qëndrueshme dhe afatgjata në menaxhimin e kërcënimeve kibernetike;
- Zhvillimin dhe implementimin e taktikave, teknikave, procedurave dhe investimeve në bashkëpunim me SHBA në rritjen e kapaciteteve;
- Thellimi i dijes dhe i zhvillimit të aftësive të specializuara të personelit.