60-vjetori i Batalionit të Mbështetjes së Shtabit të Përgjithshëm

Batalioni i Mbështetjes së Shtabit të Përgjithshëm të Forcave të Armatosura feston 60-vjetorin e krijimit të tij dhe kjo ditë u kujtua me një ceremoni solemne, ku morën pjesë personalitetet më larta, presidenti i Republikës, njëherësh komandant i Përgjithshëm i FA, Sh.T.Z. Bajram Begaj, ministri i Mbrojtjes z. Pirro Vengu, shefi i Shtabit të Përgjithshëm të FA gjenerallejtënant Arben Kingji.

U lartësua edhe njëherë rëndësia e veçantë e këtij batalioni në të gjitha etapat e transformimit të Forcave të Armatosura, sidomos roli i rëndësishëm gjatë periudhës së tranzicionit.

Kjo njësi u vlerësua jo vetëm për misionin e saj në ruajtjen e sigurisë, por edhe si një shkollë komandimi, nga e cila kanë dalë një pjesë e drejtuesve të lartë të Forcave të Armatosura.

Në këto gjashtë dekada, Batalioni i Mbështetjes është shquar për profesionalizëm, disiplinë dhe sakrifica, duke u konsideruar si një njësi elitë dhe e modernizuar e FA.