Tetori Rozë: Mbrojtja dhe Shëndetësia, bashkë për jetën

e shtunë, 01 nëntor 2025 15:54

Përfundon fushata për ndërgjegjësimin e depistimit të hershëm të kancerit të gjirit me një aktivitet sensibilizues të organizuar në Regjimentin e Këmbësorisë së Veriut në Vau i Dejës.

U theksua rëndësia e bashkëpunimit ndërinstitucional midis strukturave shëndetësore dhe Forcave të Armatosura në mbrojtje të shëndetit publik.
Gjatë aktivitetit, u përcoll mesazhi i rëndësisë së depistimit të hershëm të kancerit të gjirit.

Ministri Vengu theksoi vizionin që bazat ushtarake të shërbejnë si qendra të kujdesit shëndetësor, duke ofruar shërbime parandaluese jo vetëm për gratë dhe vajzat në uniformë, por edhe për komunitetin përreth.

Ministrja Sala, vlerësoi kontributin e grave dhe vajzave në uniformë, duke nënvizuar se Programi Kombëtar i Depistimit të Kancerit të Gjirit vazhdon gjatë gjithë vitit, sepse parandalimi shpëton jetë

Gjatë periudhës janar – tetor 2025 janë kryer rreth 16 mijë mamografi falë shërbimeve stacionare dhe lëvizëse.

Aktiviteti shërbeu si një shembull konkret i ndërthurjes së misioneve të këtyre dy institucioneve kyçe në shërbim të sigurisë dhe mirëqenies kombëtare.