Hapet për herë të parë në Shqipëri : “Master në Inxhinieri Armatimi, me drejtimet Aviacion dhe Detari"

e premte, 24 tetor 2025 17:04

Programi i ri i studimit "Master Profesional në Inxhinieri Armatimi" (me profile Aviacion dhe Detari) është një bashkëpunim midis Universitetit "Ismail Qemali" në Vlorë dhe Akademisë së Forcave të Armatosura (AFA).

Në ceremoninë e zhvilluar me këtë rast, ministri Vengu e theksoi këtë bashkëpunim si një hap të rëndësishëm drejt krijimit të një ekosistemi të ri dijes, duke bashkuar botën akademike, industrinë ushtarake dhe institucionet e sigurisë. Ai lidhi këtë program me tre projekte të tjera thelbësore në Vlorë: Aeroporti i Vlorës; ringritja e Shkollës së Aviacionit dhe Baza e Bunavisë.

Qëllimi kryesor është ndërtimi i kapaciteteve vendase për inovacion, kërkim shkencor dhe prodhim në fushën e Mbrojtjes, duke ndjekur shembujt e suksesshëm të vendeve anëtare të BE dhe NATO.
16 studentët e parë të programit do të fitojnë dije dhe aftësi që do të shërbejnë për forcimin e kapaciteteve kombëtare në fushat e Aviacionit, Detarisë dhe Teknologjisë Ushtarake.