Projektbuxheti i Mbrojtjes për herë të parë arrin 2,12% të PBB

e mërkurë, 12 nëntor 2025 17:35

Prezantohet në Komisionin për Çështjet e Brendshme dhe të Mbrojtjes projektbuxheti i Ministrisë së Mbrojtjes për vitin 2026.  Për herë të parë Buxheti i Mbrojtjes arrin në nivelin 2,12% të Prodhimit të Brendshëm Bruto.

Ai parashikon 58,9 miliard lekë, një rritje prej 12% krahasuar me vitin 2025.

Drejtime kryesore:
Rritje e pagave dhe e benefiteve për personelin ushtarak; investime për rritje të kapaciteteve ushtarake; ringritje të industrisë “Made in Albania”; flotë e re kombëtare për emergjencat civile; rritje të rolit të Shqipërisë në Aleancë.

Ministri Vengu e cilësoi si më ambiciozin që prej anëtarësimit të Shqipërisë në NATO: është një buxhet sigurie, zhvillimi dhe krenarie kombëtare.