Betohen 387 rekrutë, kadetë dhe studentë të rinj

Rreshtohen zyrtarisht, në Forcat e Armatosura të Republikës së Shqipërisë 387 rekrutë, kadetë dhe studentë të rinj.

Ceremonia e betimit u zhvillua në prani të komandantit të Përgjithshëm të FA presidentit Begaj, ministrit të Mbrojtjes Vengu dhe shefit të Shtabit të Përgjithshëm gjenerallejtënant Kingji.

Shërbimi ushtarak është detyrë nderi dhe përgjegjësi strategjike, me Forcat e Armatosura të angazhuara në NATO, misione paqeruajtëse dhe sigurinë rajonale.

Fuqia luftarake e FA bazohet në kapitalin njerëzor, disiplinën dhe gatishmërinë operacionale, të mbështetura nga programi strategjik “Mbrojtja 2030”, i fokusuar në personelin dhe infrastrukturën kritike.

Forcat e Armatosura të Republikës së Shqipërisë operojnë sot si një strukturë moderne, e ndërveprueshme me aleatët dhe e aftë të përballojë kërcënime konvencionale dhe kibernetike.