Kundëradmiral Mullaj, komandanti i ri i FD

e hënë, 19 janar 2026 16:08

Kundëradmiral Arsen Mullaj mori zyrtarisht detyrën e komandantit të Forcës Detare, duke pasuar nënadmiral Adnand Agastrën, i cili përfundoi mandatin.

Ceremonia u zhvillua në prani të ministrit të Mbrojtjes, Pirro Vengu, i cili vlerësoi ndërrimin e komandës si vazhdimësi profesionale dhe forcim të lidershipit në Forcat e Armatosura.

Ministri theksoi se modernizimi dhe rimëkëmbja e Forcës Detare përbëjnë prioritet strategjik të qeverisë, me fokus rritjen e kapaciteteve, sigurimin e mjeteve dhe ringritjen e Pashalimanit si kantier strategjik për Forcat e Armatosura dhe aleatët.