Zjarret në Greqi, Shqipëria i shkon në ndihmë me efektivë zjarrfikës e mjete
Ministria e Mbrojtjes e Shqipërisë i është përgjigjur menjëherë kërkesës së autoriteteve greke për ndihmë në shuarjen e zjarreve, që vijojnë prej tre ditësh në Xilocastro, Peloponez.
Nën koordinimin e Agjencisë së Mbrojtjes Civile dhe Mekanizmit Evropian të Mbrojtjes Civile, në operacionet për shuarjen e zjarreve në Greqi do të angazhohen 30 zjarrfikës dhe 5 automjete zjarrfikëse nga Shqipëria.
Përfundoi detyrën si Komandant i KFOR, ministri Vengu pret gjeneralmajor Özkan Ulutaş
Ministri i Mbrojtjes, z. Pirro Vengu priti në një takim të veçantë gjeneralmajor Özkan Ulutaş në përfundim të detyrës si Komandant i KFOR.
Ministri Vengu e falënderoi gjeneralmajor Ulutaş për punën e mirë që ka bërë si komandant i KFOR-it, duke i uruar njëherësh edhe suksese në detyrën e re, që pritet të marrë në Turqi.
Ministri Vengu inspekton punimet për ndërtimin e godinës multifunksionale në Repartin e Operacioneve Speciale në Zall-Herr
Forcat e Repartit të Operacioneve Speciale në Zall-Herr do të kenë shumë shpejt qendrën multifunksionale, punimet për të cilën janë realizuar aktualisht në masën 80%.
Ministri i Mbrojtjes z. Pirro Vengu së bashku me atasheun ushtarak amerikan në Shqipëri, kapiten i rangut II Eric Cote, inspektuan punimet që po kryhen në këtë godinë, ndërtimi i të cilës ka nisur në prill të vitit 2023 dhe pritet të përfundojë sipas planit në qershor të vitit të ardhshëm.
Toga EOD realizon me sukses angazhimet në stërvitjen certifikuese "Silver Arrow - 24”, në Camp Adazi, Letoni
Toga EOD, pjesë e Kontingjentit XV, i cili i është atashuar Grup-Batalionit shumëkombësh të Prezencës së Përparuar të Përforcuar, në Letoni, ka realizuar me efektivitet të lartë angazhimet në kuadër të stërvitjes certifikuese "Silver Arrow - 24”.
Nga data 17 deri më 23 shtator, toga EOD e dislokuar në rajonin e stërvitjes në Camp Adazi, performoi shtatë skenarë të ndryshëm, duke treguar aftësi në lidhje me teknikat, taktikat dhe procedurat e ndjekura për neutralizimin e rreziqeve, që vijnë si rezultat i municioneve të paplasura dhe pajisjeve shpërthyese të improvizuara.
Përfundon stërvitja e përbashkët e trupave të FA dhe FSK, “Dimali-24”
395 trupa nga Regjimenti i Këmbësorisë së Jugut me 58 mjete dhe një togë nga Forca e Sigurisë së Kosovës zhvilluan në datat 23-26 shtator, stërvitjen e koduar "Dimali - 24".
Në stërvitjen, që u mbajt në rajonin Arshi Lengo, Gjirokastër, u testuan kapacitetet operacionale të Forcave të Armatosura të Shqipërisë për zhvendosjen dhe kryerjen e operacioneve luftarake mbrojtëse si dhe ndërveprimi me forcat e tjera.
Artikuj nga Newsroom
e hënë, 16 shkurt 2026
e premte, 13 shkurt 2026
