Publikohen botimet ushtarake për vitin 2013
Në sallën e auditoriumit në Ministrinë e Mbrojtjes u zhvillua sot paradite një veprimtari për publikimin e botimeve ushtarake për vitin 2013. Në këtë ceremoni morën pjesë shefi i Shtabit të Përgjithshëm i FA, gjeneralmajor Jeronim Bazo, zëvendësshefi i Shtabit të Përgjithshëm i FA, gjeneralmajor Viktor Berdo, gjeneralë dhe ushtarakë të lartë të Ministrisë së Mbrojtjes dhe Shtabit të Përgjithshëm, pedagogë, oficerë dhe punonjës civilë të struturave të Komandës së Doktrinës dhe Stërvitjes etj.
Fjalën e hapjes e mbajti zëvendëskomandanti i KDS, kolonel Ruzhdi Kuçi. Më pas, drejtori i Qendrës së Doktrinës, kolonel Ahmet Leka paraqiti para auditorit një ligjëratë mbi punën e bërë nga kjo qendër dhe punonjësit e saj, për përgatitjen dhe botimin e një kolone të gjatë librash doktrinorë, rregullore, manuale dhe botime të tjera ushtarake, të cilat tashmë gjenden në bibliotekat e njësive ushtarake dhe në duart e lexuesve tanë ushtarakë.
Aktivitet me rastin e 85-vjetorit të vdekjes së themeluesit të shtetit shqiptar, Ismail Qemali
Me me rastin e 85-vjetorit të vdekjes së themeluesit të shtetit shqiptar, plakut të urtë dhe patriotit të shquar Ismail Qemali, Qendra e Kulturës, Medias dhe Botimeve të Mbrojtjes (QKMBM) organizoi sot në sallën e kinemasë të Ministrisë së Mbrojtjes shfaqjen e filmit shqiptar ”Nëntori i Dytë”.
Shfaqja e filmit ”Nëntori i Dytë” është pjesë e aktiviteteve dhe veprimtarive të programuara për vitin 2014 nga Qendra e Kulturës, Medias dhe Botimeve të Mbrojtjes, program i cili synon gjallërimin e vazhdueshëm të jetës kulturore dhe artistike të efektivëve të Forcave të Armatosura.
Aktivitet me rastin e 546-vjetorit të vdekjes së Heroit Kombëtar Gjergj Kastrioti Skënderbeu
Me rastin e 546-vjetorit të vdekjes së Heroit Kombëtar Gjergj Kastrioti Skënderbeu, Qendra e Kulturës, Medias dhe Botimeve të Mbrojtjes (QKMBM) organizoi ditën e shtunë në sallën e kinemasë së Ministrisë së Mbrojtjes shfaqjen e filmit shqiptar ”Skënderbeu”.
Shfaqja e filmit ”Skënderbeu” shënoi edhe hapjen e siparit të aktiviteteve dhe veprimtarive të programuara për vitin 2014 nga Qendra e Kulturës, Medias dhe Botimeve të Mbrojtjes. Nga kjo qendër janë programuar një seri aktivitetesh kulturore, artistike dhe sportive, të cilat do të zbërthejnë e pasqyrojnë Direktivën e Mbrojtjes për vitin 2014, si dhe një seri programesh dhe aktivitetesh të tjera që do të promovojë Ministria e Mbrojtjes dhe Shtabi i Përgjithshëm i FA gjatë këtij viti. Aktivitetet e programuara do të kenë një shtrirje përgjatë gjithë vitit 2014, duke synuar mbajtjen gjallë të jetës kulturore të efektivave të Forcave të Armatosura.
Ekipi i karatesë “Dardania”merr pjesë në takimin ndërkombëtar “Tirana Karate Open”
Më 17 nëntor 2013 në pallatin e sportit “Asllan Rusi” në Tiranë u zhvillua takimi ndërkombëtar “Tirana Karate Open” organizuar nga Federata Shqiptare e Karatesë. Në këtë aktivitet sportiv morën pjesë 33 ekipe nga të gjithë vendet e Ballkanit me mbi 350 pjesëmarrës. Pjesë e këtij aktiviteti ishte edhe ekipi i karetsë së Qëndrës së Kulturës, Medias dhe Botimeve të Mbrojtjes “Dardania”. Ekipi “Dardania” përfaqësohej nga 5 (pesë) djem dhe 3 (tre) vajza.
Fëmijët e Qendrës Rekreative festojnë Ditën Botërore të Kafshëve
Në zbatim të kalendarit vjetor të aktiviteteve social-kulturore për vitin 2013, Qendra e Kulturës, Mediave dhe Botimeve të Mbrojtjes (QKMBM), me rastin e 4 Tetorit “Ditës Botërore të Kafshëve”, organizoi aktivitetin e radhës ditën e shtunë, më 5 tetor në Pezë të Tiranës.
Në kuadrin e kësaj dite u zhvilluan një seri aktivitetesh sipas programit të hartuar nga Drejtoria e Aktiviteteve dhe Marrëdhënieve me Komunitetin, me pjesëmarrjen e fëmijëve të Qendrës së Rekreacionit, pranë QKMBM. Ishin të pranishëm në këtë veprimtari edhe familjarë të efektivave të Forcave të Armatosura të Republikës së Shqipërisë.
Kremtohet Dita Kombëtare e Trashëgimisë Kulturore
Qendra e Kulturës, Medias dhe Botimeve të Mbrojtjes (QKMB) organizoi sot në ambientet e Muzeut të Forcave të Armatosura pranë Komandës së Doktrinës dhe Stërvitjes një veprimtari me rastin e 29-shtatorit, Ditës Kombëtare të Trashëgimisë Kulturore. Të pranishëm në këtë aktivitet kulturor ishin: Drejtori Përgjithshëm i Qendrës së Kulturës, Medias dhe Botimeve të Mbrojtjes, akademik Vasil Tole, Sekretari i Përgjithshëm i Akademisë së Shkencave, akademik Salvator Bushati, drejtoresha e Bashkëpunimit civilo-ushtarak, kolonele Manushaqe Shehu, ushtarakë dhe punonjës të Forcave të Armatosura, familjarë të tyre, si dhe mjaft të ftuar të tjerë.
Artikuj nga Newsroom
e premte, 17 tetor 2025
Ministri Vengu përuron godinën e rindërtuar të Qendrës së Personelit të Rekrutimit
e martë, 14 tetor 2025