Muzeu i Forcave të Armatosura
Misioni i Muzeut të FA është: “evidentimi, grumbullimi, seleksionimi dhe vënia në përdorim për grupet e interesuara të vlerave edukative të trashëgimisë ushtarake të Forcave të Armatosura të Republikës së Shqipërisë”.
Janë ekspozuar 3600 objekte me vlera muzeale dhe vazhdon të pasurohet në vijimësi. Objektet që janë ekspozuar në pavijonet e muzeut janë kryesisht: armatime, teknikë e pajisje, dokumente, simbole e objekte të tjera.
Muzeu është i konceptuar me këto pavijone:
Pavijoni i hollit qendror,
Pavijoni i epokës 1470-1939
Pavijoni i Luftës Nacionalçlirimtare (LANÇ) 1939-1945
Pavijoni i luftës së ftohtë vitet 1945-1990,
Ekspozime të objekteve jashtë godinës së muzeut.
Ekspozimi dhe trajtimi i eksponateve në pavijonet e muzeut bëhet përmes metodave, teknikave dhe teknologjive bashkëkohore të realizuara me një skenografi, dekor, ndriçim dhe ruajtje me kulturë të lartë profesionale.
Fotografi të një numri të vogël objektesh mund t'i shikoni online duke ndjekur linkun...
Video të një numri të vogël objektesh mund t'i shikoni online duke ndjekur linkun...
Historiku
Muzeu i Forcave të Armatosura (MFA) është muze tipologjik dhe pasqyron ngjarjet më të rëndësishme ushtarake dhe vlerat më të mira të trashëguara nga kombi ynë gjatë historisë së tij në shekuj. Në esencë ai shpreh identitetin, kujtesën dhe progres-zhvillimin e Forcave të Armatosura të Republikës së Shqipërisë. Ideja për ndërtimin e Muzeut të FA ka filluar herët por është vënë në zbatim me urdhrin e ministrit, nr. 252, datë 04.06.2010. Në vitin 2012 u rikonstruktua godina që ndodhet në territorin e garnizonit “Skënderbej”, Komanda e Doktrinës dhe Stërvitjes duke e kthyer atë për funksione muzeale. Muzeu i FA ndodhet në territorin e garnizonit “Skёnderbej”, Tiranë.
Orari i vizitave
Muzeu i FA është në funksion të vizitorëve vendas dhe të huaj. Aktualisht ai ka zgjuar ndjeshmërinë dhe ka tërhequr vëmendjen e qytetarëve në veçanti veteranë, ushtarakë aktivë e në rezervë, historianë, studiues, kërkues shkencorë, trupa pedagogjike, studentë, nxënës dhe të tjerë. Studentët e akademive ushtarake të profileve të ndryshme si dhe nxënësit e shkollave të të gjitha niveleve do të gjejnë kushte të përshtatshme jo vetëm për vizitë por edhe për të ndjekur zhvillimin e orëve mësimore për ngjarjet me karakter ushtarak dhe historik.
Orari i punës dhe shërbimit, për vizitorët vendas dhe të huaj është:
nga e hëna deri të enjten: ora 09:00 - 16:00
të premten: ora 09:00 - 13:00
Për vizitorët vendas nevojitet kartë identiteti. Për vizitorët e huaj, duhet dërguar të paktën 7 (shtatë) ditë përpara ditës që dëshirohet të vizitohet Muzeu i FA një kërkesë e shoqëruar me kartën e identitetit. Kërkesa të niset në adresën e e-mailit:
This email address is being protected from spambots. You need JavaScript enabled to view it.
Jeni të mirëpritur të kontaktoni me Muzeun e FA:
Adresa: Rruga e Dibrës, Garnizoni "Skënderbej", (ish - Shkolla e Bashkuar) Tiranë
Website: www.mod.gov.al
Tel: 510 1800 ex 1509
510 1800 ex 1819
Cel: 0696980512
Artikuj nga Newsroom
e martë, 29 prill 2025
