112 - vjetori i Forcave të Armatosura, Vengu: Të punojmë për të modernizuar dhe rritur më tej kapacitetet operacionale
Forcat e Armatosura festuan 112 - vjetorin e krijimit të tyre dhe 80 - vjetorin e Çlirimit të vendit në një ceremoni në sheshin e madh të garnizonit “Skënderbej” në kryeqytet.
Të pranishëm në ceremoni morën pjesë ministri i Mbrojtjes Pirro Vengu, zëvendësministrat Dorian Tola dhe Enkelejd Joti, shefi i Shtabit të Përgjithshëm të FA gjenerallejtënant Arben Kingji, deputetë të Kuvendit, komandantë të forcave, atashetë ushtarakë të akredituar në vendin tonë, ndërkohë që trupat aktivë ishin formuar nëpër kuadrate.
Përfundon Ministeriali i Mbrojtjes së vendeve të Iniciativës SHBA - Karta e Adriatikut, në Tiranë, ministri Vengu: Shqipëria mbështet politikën e dyerve të hapura, prioritet anëtarësimi i Kosovës
Ministrat e Mbrojtjes së vendeve anëtare dhe vëzhguese të Iniciativës SHBA - Karta e Adriatiku (A-5) u mblodhën në Tiranë, për të diskutuar një sërë çështjesh të rëndësishme, që shtrohen në fushën e Mbrojtjes dhe Sigurisë për Ballkanin Perëndimor dhe më gjerë.
Ky ministerial u bashkëdrejtua nga ministri i Mbrojtjes së Shqipërisë, z. Pirro Vengu me pjesëmarrjen e posaçme të ndihmëssekretares amerikane të Mbrojtjes për Çështjet e Sigurisë Ndërkombëtare znj. Celeste Wallander.
Ministri Vengu i dorëzon shefit të Shtabit të Përgjithshëm të FA, gradën gjenerallejtënant
Në një ceremoni të veçantë, shefi i Shtabit të Përgjithshëm Arben Kingji u gradua si gjenerallejtënant, pas dekretit të miratuar nga presidenti i Republikës. Kjo gradë, gjenerallejtënant Kingjit iu dorëzua nga ministri i Mbrojtjes z. Pirro Vengu.
Sfidat e sigurisë, zhvillohet në datat 3 - 5 dhjetor, në Tiranë Ministeriali i Mbrojtjes së vendeve të Iniciativës SHBA - Karta e Adriatikut (A-5)
Nga data 3 deri më 5 dhjetor, në Tiranë do të zhvillohet Ministeriali i Mbrojtjes, në kuadër të Iniciativës SHBA-Karta e Adriatikut (A-5). Ky aktivitet i rëndësishëm zhvillohet në kuadër edhe të angazhimeve të Shqipërisë në këtë iniciativë.
Në këtë ministerial pritet të marrin pjesë përfaqësues të lartë nga SHBA, Bosnje Hercegovina, Kroacia, Sllovenia, Maqedonia e Veriut, Mali i Zi, Kosova, Serbia. Ndihmëssekretarja amerikane e Mbrojtjes për Marrëdhëniet Ndërkombëtare në fushën e Sigurisë, znj. Celeste Wallander do të jetë e pranishme në këtë takim.
Forcat e Armatosura organizuan një demonstrim në qytetin e Vlorës me rastin e 112 - Vjetorit të Pavarësisë
Pilotët dhe teknikët e bordit të helikopterit Cougar realizuan një fluturim demonstrues duke valëvitur flamurin kombëtar nga Sheshi i Flamurit, ku po zhvillohej Ceremonia e 112 - Vjetorit të Pavarësisë, duke vazhduar përgjatë lungomares e deri në Orikum.
Më pas, helikopterët Cougar dhe Black Hawk të Forcës Ajrore, anijet e Forcës Detare dhe trupat e Regjimentit të Operacioneve Speciale zhvilluan një demonstrim në gjirin e Vlorës.
Artikuj nga Newsroom
Ministri Nufi sot nga Himara: "Situata nga zjarri është totalisht e menaxhuar"
e shtunë, 05 shtator 2026
Shënohet 39-vjetori i krijimit të Bazës së Mbështetjes dhe Emergjencave Civile (BMEC)
e mërkurë, 02 shtator 2026