Agjencia e Industrisë së Mbrojtjes

Agjencia e Industrisë së Mbrojtjes (AIM) është pjesë përbërëse e strukturës së Ministrisë së Mbrojtjes. AIM ka si mision Të rregullojë, mbikëqyrë dhe nxisë prodhimin, tregtimin, transportin, magazinimin, si dhe kërkimin e zhvillimin e armatimit ushtarak në përputhje me standardet kombëtare dhe ndërkombëtare me qëllim forcimin e kapaciteteve mbrojtëse dhe zhvillimin ekonomik të RSH.

Lexo më shumë...



Agjencia e Inteligjencës dhe Sigurisë së Mbrojtjes (AISM)

Agjencia e Inteligjencës dhe Sigurisë së Mbrojtjes ka si mison  të mbështesë autoritetet e drejtimit e të komandimit të Forcave të Armatosura dhe Forcat e Armatosura me inteligjencë në fushën e Zbulimit, Kundërzbulimit dhe Sigurisë, në përmbushje të misionit të tyre kushtetues.

Më shumë...

Agjencia Kombëtare e Mbrojtjes Civile (AKMC)

Agjencia Kombëtare e Mbrojtjes Civile (AKMC) është pjesë përbërëse e strukturës së Ministrisë së Mbrojtjes. Agjencia Kombëtare e Mbrojtjes Civile është strukturë përgjegjëse për zvogëlimin e riskut nga fatkeqësitë dhe mbrojtjen civile, në të gjithë territorin e Republikës së Shqipërisë..

Më shumë...

Arkivi i FA (AQFA)

Arkivi Qendror i Forcave të Armatosura (AQFA) varet nga Ministria e Mbrojtjes. Ai ka bashkëpunim metodologjik - profesional me Drejtorinë e Përgjithshme të Arkivave të Shtetit të Republikës së Shqipërisë.

Më shumë...

Autoriteti i Kontrollit Shtetëror të Eksporteve (AKSHE)

Autoriteti i Kontrollit Shtetëror të Eksporteve (AKSHE) është një institucion qëndror, me statusin e personit juridik, publik, në varësi të Ministrit të Mbrojtjes, i cili ka  si objekt të veprimtarisë kontrollin shtetëror mbi eksportin, importin, kalimin tranzit, transferimin dhe veprimtaritë ndërmjetësuese për mallrat ushtarake dhe mallrat e teknologjitë me përdorim të dyfishtë.

Website

Drejtoria e Përgjithshme e Rezervave Materiale të Shtetit

Rezervat materiale të shtetit krijohen për të ndërhyrë, në mënyrë operative, për mbrojtjen e popullsisë, të ekonomisë dhe mbrojtjen e vendit, në situata të gjendjes së jashtëzakonshme, gjendjes së emergjencës civile, veprimeve terroriste, veprimeve ushtarake ( në gjëndje lufte), të cilat sjellin dëme të menjëhershme e të rënda për jetën, për shëndetin e popullatës dhe të gjësë së gjallë, për pasurinë, për trashëgiminë kulturore dhe për mjedisin.

Drejtoria e Shifrës

Drejtoria e Shifrës (DSH) është strukturë e shtetit, përgjegjëse për zbatimin e masave të sigurisë kriptografike për mbrojtjen e informacionit të klasifikuar dhe për kontrollin dhe vlerësimin e sigurisë së emetimeve elektromagnetike të sistemeve.

Struktura e DSH është ndërtuar në përputhje me misionin dhe detyrat e saj, përcaktimet ligjore dhe nënligjore kombëtare, të dokumenteve përkatëse të NATO dhe njohjes së saj në strukturat homologe të NATO dhe ato të BE.

Më shumë...

Instituti i Gjeografisë dhe Infrastrukturës Ushtarake

Instituti i Gjeografisë dhe Infrastrukturës Ushtarake (IGJIU), harton normat e projektimit për ndërtime specifike në Forcat e Armatosura të Republikës së Shqipërisë. Ky institucion kryen oponencën teknike për projektet dhe ndërtimet dhe bashkëpunon me institucione të ndryshme brenda dhe jashtë vendit.

Më shumë...

Military Export Import Company (MEICO)

Military Export Import Company (MEICO) është ndërmarje shtetërore në varësi të Ministrisë së Mbrojtjes. Kjo ndërmarje është krijuar në vitin 1991 dhe që nga ky vit ushtron veprimtarinë dhe aktivitetin e saj për plotësimin e nevojave të Forcave të Armatosura shqiptare dhe të institucioneve të tjera me mallra importi specifike të karakterit ushtarak, si dhe eksporte të mallrave ushtarake të reja dhe stoqeve të ushtrisë shqiptare, si dhe të prodhimeve të industrisë ushtarake.

Njësia Mjekësore Ushtarake

.............

Më shumë...

Përfaqësitë Ushtarake Jashtë Vendit

Republika e Shqipërisë përfaqësohet në NATO me personel nga Ministria e Mbrojtjes dhe Shtabi i Përgjithshëm i Forcave të Armatosura, ndërsa atasheu ushtarak është ushtarak aktiv i Forcave të Armatosura të Republikës së Shqipërisë që mban gradën “kolonel”.

Më shumë...

Qendra e Kulturës, Medias, Botimeve të Mbrojtjes, Muzeut të Forcave të Armatosura (QKMBMMFA)

Qendra e Kulturës, Medias, Botimeve të Mbrojtjes, Muzeut të FA është nën varësinë administrative e funksionale të ministrit të Mbrojtjes. Për përmbushjen e misionit dhe detyrave të saj, në shërbim të Forcave të Armatosura, qendra merr dhe zbaton detyra edhe nga shefi i Shtabit të Përgjithshëm në raste situatash emergjente. Qendra përbëhet nga: Drejtoria e Kulturës, Medias dhe Botimeve si edhe Muzeu Ushtarak i FA.

Muzeu i Forcave të Armatosura

Qendra Kombëtare e Kërkim-Shpëtimit (QKKSH)

Qendra Kombëtare e Kërkim-Shpëtimit (QKKSH) është person juridik publik, në varësi të Ministrit të Mbrojtjes, dhe ka si qëllim planëzimin, organizimin, koordinimin dhe kryerjen e operacioneve të kërkim-shpëtimit në Republikën e Shqipërisë. Ajo siguron koordinimin e përgjithshëm të operacioneve të shërbimit të kërkim-shpëtimit dhe mban kontakte të drejtpërdrejta me shërbimet homologe të shteteve të tjera. Qendra Kombëtare e Kërkim-Shpëtimit (QKKSH kryen edhe rolin e Qendrës së Koordinimit të Shpëtimit (RCC).

Më shumë...

Qendra Ndërinstitucionale Operacionale Detare (QNOD)

Qendra Ndërinstitucionale Operacionale Detare (QNOD) është një institucion ndërdikasterial që ka për detyrë të sigurojë vëzhgimin e hapësirës detare shqiptare, për të realizuar organizimin, planëzimin, bashkërendimin dhe drejtimin e operacioneve në det, në përputhje me legjislacionin detar kombëtar dhe ndërkombëtar.

Më shumë...



Roja Bregdetare

Roja Bregdetare si pjesë përbërëse e Forcës Detare në bazë të nenit 3, të Ligjit nr. 8875, datë 04.04.2002 “Për Rojen Bregdetare Shqiptare” varet nga Ministria e Mbrojtjes dhe në bazë të nenit 4, të Ligjit nr. 8875, datë 04.04.2002, struktura organizative miratohet nga ministri i Mbrojtjes.

Roja bregdetare pajiset me mjete detare që janë të përcaktuara në strukturën organizative të Forcës Detare/Rojës Bregdetare.

Lexo më shumë...



Artikuj nga Newsroom